| e-texts navigator |
| བོད་ཡིག |
196b1 des pa phun sum tshogs par bya/ lus dang srog la mi lta bar brtson 'grus kyi go cha chen po bgo bar bya/ rnam par mi g.yeng ba'i sems kyis sems rtse gcig tu bya/ bdag dang / sems can dang / srog dang / gso ba dang / skyes bu dang / gang zag dang / shed las
196b2 skyes dang / shed bur lta ba dang bral bas shes rab kyis rnam par dpyad pa la mkhas par bya/ des sbyin pa sbyin na sems can thams cad yid la byas te sbyin pa sbyin par bya/ sems can thams cad yid la byas te tshul khrims bsrung bar bya/ sems can thams cad yid la byas te bzod
196b3 pa bsgom par bya/ sems can thams cad yid la byas te brtson 'grus brtsam par bya/ sems can thams cad yid la byas te bsam gtan la mnyam par gzhag par bya/ sems can thams cad yid la byas te shes rab bsgom par bya/ sems can thams cad yid la byas te
196b4 thabs la mkhas pa bslab par bya'o/ /de nas khyim bdag dpas byin dang / khyim bdag lnga brgya tsam de dag gis bcom ldan 'das la 'di skad ces gsol to/ /bcom ldan 'das bdag cag ni lus la lta zhing gnas pa lags/ srog la lta zhing gnas pa lags/ de
196b5 bzhin du nor dang / 'bru dang / khyim dang / chung ma dang / bu dang / bu mo rnams la lta zhing gnas pa lags/ bza' ba dang / btung ba dang / bgo ba dang / bzhon pa dang / mal cha dang / me tog dang / spos dang / bdug pa dang / phreng ba dang / byug pa rnams la
196b6 lta zhing gnas pa lags/ yo byad thams cad la lta zhing gnas pa lags na/ bcom ldan 'das ji ltar byang chub sems dpa' so sor rtog cing lus la mi lta ba lags/ bde bar gshegs pa ji ltar srog la mi lta ba lags/ de bzhin du nor dang / 'bru dang / khyim dang / chung
196b7 ma dang / bu dang / bu mo rnams la mi lta ba lags/ bza' ba dang / btung ba dang / bgo ba dang / bzhon pa dang / mal cha dang / me tog dang / bdug pa dang / spos dang / phreng ba dang / byug pa rnams la mi lta ba lags/ yo byad thams cad la mi lta ba lags/ de nas
iiif viewer powered by OpenSeadragon
Texts on this page
D72 - 'phags pa khyim bdag dpas byin gyis zhus pa zhes bya ba theg pa chen po'i mdo