rKTs

e-texts navigator

Volume

Page

195b₁ las 'da' bar bya zhes bka' mchid bgyis so/ /bcom ldan 'das de'i tshe bdag cag thams cad 'di lta bu'i rtog pa skyes te/ bdag cag theg pa chen po bla na med pas yongs su mya ngan las 'da' bar bya ba ni mchog lags kyi/ nyan thos kyi theg pas ni ma lags/ rang
195b₂ sangs rgyas kyi theg pas ni ma lags pa snyam bgyid de/ bcom ldan 'das bdag cag chos kyi skyes 'di dang chas te de bzhin gshegs pa dgra bcom pa yang dag par rdzogs pa'i sangs rgyas kyi thad du mchis na/ bcom ldan 'das byang chub sems dpa' sems dpa' chen
195b₃ po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas ji ltar bslab par bgyi/ bde bar gshegs pa ji ltar bslab par bgyi/ ji ltar gnas par bgyi/ ji ltar bsgrub par bgyi/ de nas bcom ldan 'das kyis khyim bdag
195b₄ dpas byin dang / khyim bdag lnga brgya tsam de dag la legs so zhes bya ba byin te/ khyim bdag rnams legs so legs so/ /khyim bdag rnams khyed 'di ltar bla na med pa yang dag par rdzogs pa'i byang chub tu yang dag par zhugs nas de bzhin gshegs pa dgra bcom pa
195b₅ yang dag par rdzogs pa'i sangs rgyas kyi thad du lhags pa khyed yang legs so/ /khyim bdag rnams de'i phyir legs par rab tu nyon la yid la zung shig dang / byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par
195b₆ 'tshang rgya bar 'dod pas ji ltar bslab par bya ba dang / ji ltar gnas par bya ba dang / ji ltar bsgrub par bya ba ngas khyed la bshad do/ /bcom ldan 'das de bzhin no zhes gsol te/ khyim bdag dpas byin dang / khyim bdag lnga brgya tsam de dag bcom ldan 'das kyi ltar
195b₇ nyan pa dang / bcom ldan 'das kyis de dag la 'di skad ces bka' stsal to/ /khyim bdag rnams 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas sems can thams

_{iiif viewer powered by OpenSeadragon}

195a - 196a

Texts on this page