| e-texts navigator |
| བོད་ཡིག |
193b1 zhing gi snyigs ma dang / tshe'i snyigs ma dang / nyon mongs pa'i snyigs ma'i dus su nga byang chub mngon par rdzogs par sangs rgyas nas der des pas ji ltar 'dul ba las rnam pa gzhan gyis gdul bar mi bya'o/ /kun dga' bo nga ni 'jig rten gyi khams mi mjed du
193b2 sangs rgyas kyi 'dul bas sems can rnams 'dul bar mi byed kyi/ /kun dga' bo nga ni ngan cing dbul ba dang / ngan 'gro'i 'jigs pas bsdigs pas sems can rnams 'dul bar byed do/ /kun dga' bo gal te 'jig rten gyi khams 'dir ngas sangs
193b3 rgyas kyi yul gyis chos bstan cing sangs rgyas kyis yul nye bar bstan du zin na sems can gcig kyang 'dul bar mi 'gyur la chos kyang rtogs par mi 'gyur ro/ /kun dga' bo de lta bas na nga dang des pa ji ltar 'dul bar byed pa de bzhin du khyod kyis kyang sems can 'dul
193b4 bar gyis shig / kun dga' bo sems can dad pa can dang / rtogs pa mang ba dag 'byung bar 'gyur te/ de dag gis chos kyi rnam grangs 'di thos nas dad pa rnyed cing de bzhin du sgrub par 'gyur ro/ /bcom ldan 'das kyis de skad ces bka' stsal nas/ tshe dang
193b5 ldan pa kun dga' bo dang / byang chub sems dpa' des pa dang / byang chub sems dpa' de dag dang / dge slong de dag dang / lha'i dbang po brgya byin dang / rgyal po gsal rgyal dang / lha dang / mi dang / lha ma yin dang / dri zar bcas pa'i
193b6 'jig rten yi rangs te/ bcom ldan 'das kyis gsungs pa la mngon par bstod do// //'phags pa dkon mchog brtsegs pa chen po'i chos kyi rnam grangs le'u stong phrag brgya pa las des pas zhus pa'i le'u zhes bya ste
193b7 nyi shu rtsa bdun pa rdzogs so/ / //rgya gar gyi mkhan po dzi na mi tra dang / su ren dra bo d+hi dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa// //
iiif viewer powered by OpenSeadragon
Texts on this page
D71 - 'phags pa nges pas zhus pa zhes bya ba theg pa chen po'i mdo