rKTs

e-texts navigator

Volume

Page

192a₁ skad ces gsol to/ /bcom ldan 'das rigs kyi bu des pas ji srid cig nas byang chub kyi phyir spyad pa bgyis lags/ bcom ldan 'das kyis bka' stsal pa/ kun dga' bo rigs kyi bu des pa ni sangs rgyas bye ba mang po la bsnyen bkur byas pa/ sngon gyi tshul phun sum tshogs pa/
192a₂ bzod pa gsum thob pa/ spobs pa thob pa/ mngon par shes pas rnam par rtse bar byas pa/ sems can yongs su smin par bya ba la mkhas pa ste/ ngan cing dbul bas sems can rnams 'dul bar byed do/ /gsol pa/ bcom ldan 'das 'dis ngan cing dbul ba 'dis sems can ji snyed
192a₃ cig btul lags/ bcom ldan 'das kyis bka' stsal pa/ kun dga' bo lha'i bu 'bum phrag mang po dag bla na med pa yang dag par rdzogs pa'i byang chub tu yongs su smin par byas te/ mi rnams kyang de dang 'dra'o/ /kun dga' bos gsol pa/ bcom ldan 'das 'di ji srid cig na
192a₄ ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di'i sangs rgyas kyi zhing gi bkod pa rnams ni ci 'dra ba zhig tu 'gyur/ ming ni ji skad ces bgyi ba zhig tu 'gyur lags/ de nas bcom ldan 'das kyis tshe dang ldan pa kun dga' bo la
192a₅ tshigs su bcad de bka' stsal pa/ sems can don la brtson dang brtul zhugs brtan pa dang / /grags pa rgya chen dag gis bsam pa khyab byas dang / /byang chub yon tan gnas pa spyod pa ci 'dra ba/ /ngas ni khyod la bshad kyis kun dga' khyod nyon cig /'di na rgyal la mchod mchog phyir
192a₆ ni gus byed cing / /dam pa'i chos ni bsrung phyir rab tu brtson byed pa/ /des pa yi ni spyod pa'i rnam pa gang yin pa/ /de dag 'dir ni bgrang bar nus par mi 'gyur ro/ /pha rol phyin pa 'di dag la ni legs par bslabs/ /mngon par shes pa dag gis sngan chad rtse bar byas/ /tshangs pa'i
192a₇ gnas rnams kyis ni mtha' mar phyin par song / /thabs la mkhas pa'i spyod pa dag la legs par bslabs/ /'dir ni de yis 'dus byas skyon rnams legs par mthong / /sangs rgyas byang chub kyang ni mngon sum gyur par byas/ /'dis ni sems can ji lta ji ltar thar 'gyur ba'i/ /rnam par smin

_{iiif viewer powered by OpenSeadragon}

191b - 192b

Texts on this page