rKTs

e-texts navigator

Volume

Page

191b₁ smras so/ /grogs po dag 'di la brnyas par ma byed cig /rigs kyi bu 'di yon tan gyi che ba nyid ji snyed pa dang ldan pa de ni kho bo'i mngon sum du gyur to/ /grogs po dag khyed re shig sdod cig dang / rigs kyi bu 'di'i yon tan gyi bkod pa mthong bar 'gyur ro/ /de nas rigs kyi bu des
191b₂ pas lha'i bu de dag gi bsam pa rtogs nas bcom ldan 'das la 'di skad ces gsol to/ /bcom ldan 'das byang chub sems dpa' rnams kyi sems can yongs su smin par bgyi ba'i bkod pa'i thabs dang / ye shes kyi bkod pa'i thabs bcom ldan 'das kyis bshad du gsol/ /
191b₃ de nas bcom ldan 'das kyis sku las 'od phyung ste/ 'od des des pa'i lus la reg nas lha'i dbang po brgya byin gyi gzugs kyi lus yongs su grub pa ci 'dra ba de las 'bum gyur pas kyang ches lhag par gyur to/ /de nas lha'i bu de dag ya mtshan du 'dzin par gyur te/ des pa la me tog dag
191b₄ gis gtor to/ /de nas bcom ldan 'das kyis rigs kyi bu des pa la bka' stsal pa/ des pa gang gi tshe byang chub sems dpa' rdo rje lta bu'i mthu la gnas pa'i tshe yang sems can yongs su smin par bya ba'i phyir dman par ston cing dman pa'i mthu la gnas kyang sems can yongs su
191b₅ smin par bya ba'i phyir mchog tu ston par byed pa 'di ni de'i bkod pa yin no/ /ye shes la gnas kyang mi shes par ston cing mi shes par ston kyang shes par snang ba 'di ni de'i bkod pa yin no/ /ye shes ma thob pa rnams la yang lus kyi spyod pa dang / spyod lam gyis dad pa skyed par byed cing ye
191b₆ shes thob pa rnams la yang spyod pa thams cad yang dag par ston pas rdzu 'phrul ston par byed pa 'di ni de'i bkod pa yin no/ /rtag tu sems la dbang byed pas ngan cing dbul bar ston kyang tshangs pas kyang mchod pa dang / mchog gi bkod pa la gnas kyang skye bo phal gyis kyang mchod pa 'di ni
191b₇ de'i bkod pa yin no/ /sems can bsdu ba'i phyir ngan cing dbul bar yang nye bar ston la sems can rnams la mngon par 'byung ba bskyed pa'i phyir longs spyod rgya chen po dang ldan yang mngon par 'byung bar ston pa 'di ni de'i bkod pa yin no/ /de nas bcom ldan 'das la tshe dang ldan pa kun dga' bos 'di

_{iiif viewer powered by OpenSeadragon}

191a - 192a

Texts on this page