rKTs

e-texts navigator

Volume

Page

190b₁ pa yangs shing mtho la rgyan thams cad kyis brgyan pa 'di lta ste dper na sum cu rtsa gsum gyi lha rnams kyi khang rnam par rgyal ba lta bu zhig sprul te/ dbus su shing yongs 'du sa brtol sprul to/ /yongs 'dus brtol gyi drung du yang bcom ldan 'das kyi gdan
190b₂ seng ge'i khri bkra ba blta na sdug cing chu zheng gab pa la lha'i ras bcos bu brgya stong du ma bting ba mngon par sprul to/ /byang chub sems dpa' rnams kyi stan drug khri dag kyang mngon par sprul to/ /lha ma yin gyi bu mo bde sogs la sogs pa lha'i bu mo khri nyis stong yang me tog dang /
190b₃ bdug pa dang / spos dang / me tog phreng dang / byug pa dang / lha'i tsan dan gyi phye ma dag khyer nas sil snyan dang / pheg rdob pa dag byed cing des pa'i g.yog bya ba'i phyir bcom ldan 'das kyi seng ge'i khri brgyan par byed do/ /de nas bcom ldan 'das kyis skye bo'i tshogs chen po
190b₄ de dag 'ong bar thugs su chud nas gtsug lag khang nas byung ste byang chub sems dpa' dang / nyan thos rnams kyis yongs su bskor cing gdan bshams pa la bzhugs so/ /de nas dri za'i bu gtsug phud lnga pas lha'i bu mo nyi 'od la smras pa/ bzang mo tshur shog /des pa'i g.yog bya ba'i
190b₅ phyir rgyud kyi sgra dang / glu'i sgra dbyangs kyis de bzhin gshegs pa la mchod par bya'o/ /de nas lha'i bu mo nyi 'od kyis lha'i bu mo lnga brgya tsam dang thabs cig tu rgyud kyi sgrar sbyar ba'i tshigs su bcad pa dag gis bstod pa/ /khyod kyis bskal pa brgyar ni sngan chad dka' thub spyad/ /khyod
190b₆ ni bsdu ba dag dang dul dang sbyin la dgyes/ /khyod kyi sku gsung thugs rnams yongs su dag pa ste/ /srid gsum 'jig rten bla ma la ni bdag phyag 'tshal/ /khyod ni tha ba mi mnga' bzod dang byams la dgyes/ /khyod ni brtson 'grus brtan dang stobs kyi pha rol gshegs/ /khyod ni
190b₇ bsam gtan blo dang tshul rnams snang la dgyes/ /dri ma gsum gyi nyes pa sel la bdag phyag 'tshal/ /khyod ni 'dod chags zhe sdang gti mug sel la dgyes/ /khyod kyi thugs ni zhi zhing snyoms la thugs rje ldan/ /khyod ni yang dag gsung zhing dam pa'i don yang mkhyen/ /srid pa gsum po thar

_{iiif viewer powered by OpenSeadragon}

190a - 191a

Texts on this page