rKTs

e-texts navigator

Volume

Page

188b₁ par mthong ba yin no/ /gzhan yang bzhi ste/ lha'i mig mngon par 'du byed pa dang / shes rab kyi mig kun tu spyod pa dang / chos kyi mig gis so sor rtog pa dang / sangs rgyas kyi spyan rjes su rtogs par byed pa ste/ bzhi po de dag dang ldan na de bzhin gshegs pa legs par mthong ba
188b₂ yin no/ /gzhan yang bzhi ste/ chos thams cad mi dmigs pa'i phyir tshul khrims kyi phung po yongs su dag pa dang / chos thams cad mnyam pa nyid kyi phyir ting nge 'dzin gyi phung po yongs su dag pa dang / 'jig rten las 'das pa'i ye shes khong du chud pa'i phyir shes rab kyi phung po yongs
188b₃ su dag pa dang / de'i rnam par grol ba mthong ba'i phyir rnam par grol ba'i ye shes mthong ba'i phung po yongs su dag pa ste/ des pa rigs kyi bu chos bzhi po de dag dang ldan na de bzhin gshegs pa legs par mthong ba yin no/ /de nas bcom ldan 'das kyis skye bo'i tshogs chen po de dag chos
188b₄ kyi gtam gyis yang dag par dga' bar mdzad nas dad pa'i rgyal po ltar 'khor dang bcas te bar snang la gshegs so/ /de nas ko sa la'i rgyal po gsal rgyal gyis rigs kyi bu des pa la 'di skad ces smras so/ /des pa khyod nam de bzhin gshegs pa la ltar 'gro ba de'i tshe kho bo la yang
188b₅ sbron cig dang / kho bo yang de bzhin gshegs pa la ltar 'gro'o/ /des pas smras pa/ rgyal po chen po de ltar bgyi'o/ /bdag ni khyod bud med dang / gzhon nu dang / blon po la sogs pa'i 'khor dang bcas te de bzhin gshegs pa la gzigs su gshegs par 'tshal lo/ /rgyal po chen po byang chub
188b₆ sems dpa' rnams ni bdag gcig pu la phan pa'i phyir zhugs pa ma lags te/ byang chub sems dpa' rnams ni 'khor phal che na mdzes so/ /rgyal pos smras pa/ des pa byang chub sems dpa'i 'khor gang yin/ des pas smras pa/ rgyal po chen po yongs su smin par bgyi ba dang / gdul ba'i
188b₇ slad du sems can thams cad ni byang chub sems dpa'i 'khor lags so/ /rgyal po chen po gzhan yang theg pa gzhan la 'dod pa ma mchis pa'i slad du gzhan dag kyang byang chub yang dag par 'dzin du 'jug pa'i byang chub kyi sems ni byang chub sems dpa'i 'khor lags so/ /rgyal po chen po

_{iiif viewer powered by OpenSeadragon}

188a - 189a

Texts on this page