rKTs

e-texts navigator

Volume

Page

188a₁ la ni gang zhig dbul po zhes brjod pa/ /mi de rgyal po'i khrims dang 'gal bar byed pa yin/ /de nas bcom ldan 'das la rigs kyi bu des pas 'di skad ces gsol to/ /bcom ldan 'das skye bo'i tshogs chen po 'dus pa 'di ni bcom ldan 'das la lta bas
188a₂ chog ma 'tshal ba lags na bcom ldan 'das de'i slad du ci nas 'di dag gis de bzhin gshegs pa mthong ba don mchis par 'gyur ba de lta de ltar 'di dag la legs par chos bstan du gsol/ /bcom ldan 'das kyis bka' stsal pa/ des pa rigs kyi bu chos bzhi dang ldan na de
188a₃ bzhin gshegs pa legs par mthong ba yin no/ /bzhi gang zhe na/ yid ches pa dang / dad pa dang / phangs par 'dzin pa dang / gus pa ste/ chos bzhi po de dag dang ldan na de bzhin gshegs pa legs par mthong ba yin no/ /gzhan yang bzhi ste/ de bzhin gshegs pa'i
188a₄ gzugs kyi sku mthong na bdag kyang 'di 'dra bar gyur cig ces bla na med pa yang dag par rdzogs pa'i byang chub tu sems bskyed pa dang de bzhin gshegs pa ni slu bar mi mdzad pa'i phyir lhag pa'i bsam pa yongs su dag par sems bskyed pa dang / sems can thams cad ston cing cher na rab tu
188a₅ grol bar bya ba'i phyir yang sems de bskyed pa dang / dkon mchog gsum gyi gdung mi 'chad par bya ba'i phyir dam pa'i chos yongs su gzung bar yang sems de bskyed pa ste/ bzhi po de dag dang ldan na de bzhin gshegs pa legs par mthong ba yin no/ /gzhan yang bzhi ste/ gzugs
188a₆ dben par mthong ba dang / tshor ba dang / 'du shes dang / 'du byed dang / rnam par shes pa dben par mthong ba dang / khams bzhi nam mkha' dang 'dra bar mthong ba dang / skye mched grong stong pa lta bur mthong ba ste/ bzhi po de dag dang ldan na de bzhin gshegs pa legs par mthong ba yin no/ /
188a₇ gzhan yang bzhi ste/ bdag med pa'i phyir bdag rnam par dag pa dang / sems can med pa'i phyir sems can rnam par dag pa dang / srog med pa'i phyir srog rnam par dag pa dang / gang zag med pa'i phyir gang zag rnam par dag pa ste/ bzhi po de dag dang ldan na de bzhin gshegs pa legs

_{iiif viewer powered by OpenSeadragon}

187b - 188b

Texts on this page