rKTs

e-texts navigator

Volume

Page

185a₁ su yi rang ste/ /khyod kyis smon lam btab pa legs par grub gyur cig /bdud rnams sder bcas myur du nges par bcom nas ni/ /shAkya seng ge rgyal ltar byang chub thob gyur cig /de nas grong khyer gyi dbul po des pas dus gzhan zhig na nor bu
185a₂ rin po che rin thang med pa zhig rnyed nas de 'di snyam du sems te/ nor bu rin po che 'dzam bu'i gling na mchog tu gyur pa 'di bdag gis mnyan yod 'di na thams cad kyi nang na dbul po gang yin pa de la sbyin gor ma chag go snyam nas de grong bar du song ste/ thams cad kyi nang na
185a₃ dbul po su yin pa de la rin po che 'di sbyin no zhes sgra bsgrags pa dang / dbul po mgon med pa phal po che der 'dus te/ bdag cag dbul po yin gyis bdag cag la byin cig ces 'dzer to/ /des pas smras pa/ khyed ni dbul po ma yin gyi/ mnyan yod 'di na ches
185a₄ dbul ba gzhan zhig yod kyis de la sbyin no/ /de dag gis smras pa/ gang yin/ des pas smras pa/ rgyal po gsal rgyal 'di yin no/ /de dag gis smras pa/ khyod de skad ma zer cig /rgyal po gsal rgyal ni phyug cing nor mang la longs spyod che ba yin gyi/ /bdag cag ni
185a₅ dbul zhing mgon med pa yin no/ /des pas smras pa/ nor mang gis ni ci zhig bya/ /rgya mtsho la ni klu rnams bzhin/ /gang dag la ni chog med pa/ /ma bsdams de dag dbul po yin/ /gang dag 'dod pa rab 'phel zhing / /ya nga yid ni skye 'gyur ba/ /rmongs pa de dag
185a₆ tshe 'di dang / /pha rol du yang dbul por 'gyur/ /de nas grong khyer gyi dbul po des pa skye bo phal po che de dag gis yongs su bskor cing nor bu rin po che de khyer nas rgyal po gsal rgyal gyi don bya ba'i sa ga la ba der song ngo / /de'i tshe rgyal po gsal rgyal gyis kyang tshong dpon dang /
185a₇ khyim bdag rigs dang ldan pa'i mchog lnga brgya tsam zhig g.yon chung ngu'i phyir bdog pa thams cad phrogs so/ /grong khyer gyi dbul po des pas nor bu rin po che de rgyal po la phul te/ rgyal po chen po nor bu rin po che rin thang ma mchis pa 'dzam bu gling thams cad ri ba bdag gis rnyed pa

_{iiif viewer powered by OpenSeadragon}

184b - 185b

Texts on this page