rKTs

e-texts navigator

Volume

Page

182b₁ ngoms mi shes shing chog mi shes pa dag ni ma byin par len par byed kyi mkhas pa dag ni ngoms shes shing chog shes pa yin no/ /'tsho ba yongs su ma dag pa dag ni ma byin par len par byed kyi mkhas pa dag ni 'tsho ba yongs su dag pa yin no/ /las ma mthong ba dag ni ma byin par len
182b₂ par byed kyi mkhas pa dag ni las mthong ba yin no/ /rnam par 'tshe ba ched cher 'dzin pa dag ni ma byin par len par byed kyi mkhas pa dag ni rnam par mi 'tshe ba ched cher 'dzin to/ /byams pa'i sems med pa dag ni ma byin par len par byed kyi mkhas pa dag ni byams pa'i sems dang ldan no/ /
182b₃ phyin ci log bzhis sems bslad pa dag ni ma byin par len par byed kyi mkhas pa dag ni sems phyin ci ma log pa yin no/ /gzhan yang sems can dbul po gang yin pa de dag kho bos tshigs su bcad pa dag gis bshad kyis nyon cig /bye ba phrag stong gter yod kyang / /gang dag la ni
182b₄ gtong med pa/ /de dag 'jig rten 'dir dbul zhes/ /thos mang rnams kyis de skad bshad/ /gang la zan cig med bzhin du/ /de ni gtong la rab gnas na/ /de ni 'jig rten nor che zhes/ /yang dag gzigs pa rnams kyis bshad/ /gang la sdig med
182b₅ 'phags pa ni/ /rnam pa kun gyis mdzes pa yin/ /byis pa sdig pa byed pa ni/ /shin tu brgyan kyang mdzes ma yin/ /mkhas pa dag gis spyos sla yi/ /byis pas bsngags pa de lta min/ /byis pa sdig pa bsngags par byed/ /mkhas pa dag ni sdig la smod/ /de nas lha'i dbang
182b₆ po brgya byin gyis dus gzhan zhig na mi gzhan zhig sprul to/ /de nas mi des gser mang po khyer te des pa la 'di skad ces smras so/ /kye des pa gser khyer la kho bo mi gzhan zhig dang rtsod pa de la khyod gcig pus che gzhi bya bar kho bos byas kyi der kho bo'i che gzhi gyis
182b₇ shig des pas smras pa/ grogs po thod khyod de skad ma zer cig /kho bo ni zer du mi 'dod do/ /kye grogs po du smra ba ni bdag la yang slu zhing pha rol la yang slu la 'phags pa la slu ba yin te/ grags pa nyams par byed pa dang / yid mi ches pa dang / yid du mi 'ong

_{iiif viewer powered by OpenSeadragon}

182a - 183a

Texts on this page