rKTs

e-texts navigator

Volume

Page

182a₁ 'bras bu tsha ba skye bar 'gyur/ /sa bon mngar ba rnams kyis ni/ /'bras bu mngar ba skye bar 'gyur/ /dpe zlar bya ba 'di yis na/ /sdig pa'i rnam smin tsha ba dang / /dkar po'i 'bras bu mngar ba dag /mkhas pa'i mis ni shes par 'gyur/ /rtag tu
182a₂ lus dang ngag yid kyis/ /sdig pa rnam gsum mi bya zhing / /gzhan dag byed kyang mkhas pa yis/ /rjes su dga' bar mi bya'o/ /lus dang ngag dang yid rnams kyis/ /dkar po rnam gsum rtag tu bya/ /gang dag dge ba spyod byed pa/ /gzhan dag la yang yi rang bya/ /de nas
182a₃ lha'i dbang po brgya byin gyis dus gzhan zhig na des pa la dbyig dang / gser mang po bstan nas 'di skad ces smras so/ /des pa'o ni las khyer la sbyin pa dag byin cig /bsod nams dag gyis shig /gos dang rgyan dag kyang thogs shig /khyod ngan cing dbul bas ci zhig bya/
182a₄ des pas smras pa/ grogs po dag sngon sems can rnams la lus kyis nyes par spyad pa dang / ngag dang / yid kyis nyes par spyad pas 'dir dbul po zhes bya bar gyur to/ /de bas na kho bo ni ma byin par len pa byed par mi 'dod do/ /brgya byin gyis smras pa/ des pa khyod da ltar ji
182a₅ bde bar 'tsho par gyis shig / 'jig rten pha rol bsam pas khyod la ci zhig bya/ des pas smras pa/ grogs po gang tshe 'di ched cher 'dzin pa 'di ni byis pa'i chos yin gyis mkhas pa rnams ni tshe phyi ma ched cher 'dzin to/ /'dod pas zil gyis non pa dang / zhe sdang gis zil
182a₆ gyis non pa dang / gti mug gis zil gyis non pa dang / 'dod chags kyis zil gyis non pa dag ni ma byin par len par byed kyis mkhas pa dag ni brkam pa ma yin no/ /sogs 'jog ched cher 'dzin pa dag ni ma byin par len par byed kyi mkhas pa dag ni sogs 'jog mi byed do/ /
182a₇ bdag gir 'dzin pa dang bcas shing yongs su 'dzin pa dang bcas pa dag ni ma byin par len par byed kyi mkhas pa dag ni bdag tu mi 'dzin cing yongs su 'dzin par mi byed do/ /lus dang srog la lta ba dag ni ma byin par len par byed kyi mkhas pa dag ni lus dang srog la mi lta'o/ /

_{iiif viewer powered by OpenSeadragon}

181b - 182b

Texts on this page