| e-texts navigator |
| བོད་ཡིག |
179b1 par bdag ni smon lam mtha' yas 'debs/ /bdag gi dge ba dag ni 'das pa dang / /ma 'ongs pa dang da ltar thams cad kyis/ /'jig rten dag gi khams ni thams cad du/ /dkon mchog gsum po rtag tu 'byung bar shog /dkon mchog gsum dang byang chub sems dpa' rnams/ /
179b2 bskal par bzhugs pas phongs par ma gyur cig /bar du gcod pa med par byang chub dang / /pha rol phyin pa rnams ni rdzogs par shog /sems can dag ni thams cad bde ba dang / /'jigs pa med cing ngan 'gro 'das pa dang / /mi dge thams cad dang ni bral ba dang / /
179b3 dge ba'i rtsa ba thams cad rdzogs gyur cig /theg pa gsum po dag la ci rigs par/ /de dag la ni smon lam mthar phyin cing / /tshe ring ba dang rnam par grol ba dang / /khyad par can gyi don kun rdzogs par shog /rdzogs pa'i byang chub smon lam 'debs pa na/ /mtha'
179b4 yas dpag tu med par rab tu 'debs/ /sems can thams cad dag gi sdug bsngal dang / /nyon mongs dag ni nye bar zhi gyur cig /chos dang ldan pa'i bya ba rnams kyi phyir/ /'jig rten dag gi khams rnams thams cad kyi/ /rgyal ba kun dang byang chub sems dpa' la/ /
179b5 rang gi lus ni nges par dbul bar bgyi/ /rdzogs pa'i byang chub thob par gyur bar du/ /ma 'ongs pa na smon lam mtha' yas gdab/ /skye dang skye bar dkon mchog gsum po la/ /bdag ni yongs su spyad par bgyid par shog /'jig rten dag gi khams rnams thams cad kyi/ /
179b6 dkon mchog gsum dang byang chub sems dpa' la/ /nam mkha' mnyam pa'i lha yi spos mchog dang / /phreng ba me tog chun pos mchod byed shog /lhun po mnyam pa'i gser dang dngul dag dang / /gos dang rin po che yi phung po dang / /gzhal med khang bcas gzhon dang mal cha dang / /
179b7 bza' ba mtha' yas dag ni sbyin par shog /'gro ba'i bsam pa lam gyis rdzogs byed cing / /skyabs dang lus dang pha 'drar gyur par shog /bzod la dga' zhing tshul khrims gtsang ba dang / /'gro la chos ni rab tu ston gyur cig /byang chub theg pa mchog ni rnyed pa dang / /
iiif viewer powered by OpenSeadragon
Texts on this page
D70 - 'phags pa lag bzangs kyis zhus pa zhes bya ba theg pa chen po'i mdo