rKTs

e-texts navigator

Volume

Page

178b₁ bzla ba dang / yang dag par rdzogs pa'i sangs rgyas dang / sangs rgyas kyi chos thams cad yongs su rdzogs par bya ba'i phyir smon lam gdab po zhes sems bskyed do/ /mang du byed do/ /de dge ba gang ci spyod kyang de sems can thams cad kyi 'jigs pa med
178b₂ par bya ba dang / ngan 'gro'i rgyud gcad pa dang / sdug bsngal thams cad nye bar zhi bar bya ba dang / nyon mongs pa thams cad nye bar zhi bar bya ba dang / mya ngan las 'das pa thob par bya ba'i phyir yongs su sngo bar byed do/ /nyan thos kyi theg pa can da ltar byung
178b₃ ba dang / ma 'ongs pa rnams kyi nyan thos kyi theg pa yongs su rdzogs par bya ba'i phyir yongs su sngo bar byed do/ /rang sangs rgyas kyi theg pa can da ltar byung ba dang / ma 'ongs pa rnams kyi rang sangs rgyas kyi theg pa yongs su rdzogs par bya ba'i phyir yongs su sngo bar
178b₄ byed do/ byang chub sems dpa'i theg pa can da ltar byung ba dang / ma 'ongs pa rnams kyi byang chub sems dpa'i theg pa yongs su rdzogs par bya ba'i phyir yongs su sngo bar byed do/ /de bzhin gshegs pa 'jig rten gyi khams thams cad du gtogs pa 'das
178b₅ pa dang / ma byon pa dang / da ltar byung ba rnams bskal par bzhugs pa dang / bskal par chos ston pa dang / bskal par dge 'dun 'thun par gyur par yongs su sngo bar byed do/ /mtho ris kyi lam la dgod pa'am/ nyan thos kyi
178b₆ lam la dgod pa'am/ rang sangs rgyas kyi lam la dgod pa'am/ rdzogs pa'i byang chub kyi lam la dgod pa'am/ sbyin pas rjes su 'jug pa'am/ snyan par smra bas rjes su 'jug pa'am/ don spyod pas rjes su 'jug pa'am/ don 'thun pas rjes su 'jug
178b₇ pa'am/ ji lta ji ltar gzhan dag dge ba'i phyogs yang dag par skyed cing dge ba'i rtsa ba sogs par 'gyur ba de yang rab tu shes so/ /de chos kyi tshig 'di dag la nyin cig bzhin du dus gsum du 'jug go yid la byed do/ /de 'di lta ste/ 'jig rten dag gi

_{iiif viewer powered by OpenSeadragon}

178a - 179a

Texts on this page