rKTs

e-texts navigator

Volume

Page

177a₁ pa'i 'du shes dang / 'gog pa'i 'du shes can du gnas te/ 'gog pa mngon sum du byed pa yang ma yin no/ /gang de ltar dus gsum rab tu shes pa de chos de dag nyan cing 'dzin pa dang / mang du byed cing yongs su rtog pa na theg pa gsum rab tu shes te/
177a₂ gsum gang zhe na/ lha'i theg pa dang / tshangs pa'i theg pa dang / 'phags pa'i theg pa ste/ de dag ni theg pa gsum zhes bya'o/ /bsam gtan dang po ni lha'i theg pa ste/ bsam gtan gnyis pa dang / gsum pa dang / bzhi pa yang lha'i theg pa'o/ /byams pa ni tshangs
177a₃ pa'i theg pa ste/ snying rje dang / dga' ba dang / btang snyoms kyang tshangs pa'i theg pa'o/ /yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang
177a₄ dag pa'i dran pa dang / yang dag pa'i ting nge 'dzin ces bya ba 'phags pa'i lam yan lag brgyad pa zhes bya ba de ni 'phags pa'i theg pa zhes bya'o/ /de dus dus su lha'i theg pa sgom ste sems can rnams kyang de la 'god/ dus dus su tshangs pa'i theg pa sgom ste/ sems can
177a₅ rnams kyang de la 'god/ dus dus su 'phags pa'i theg pa sgom zhing sems can rnams kyang de la 'god la/ rnam par grol ba 'phags pa mngon sum du yang mi byed do/ /gzhan yang theg pa gsum rab tu shes te/ gsum gang zhe na/ nyan thos kyi theg pa dang / rang sangs rgyas kyi
177a₆ theg pa dang / theg pa chen po ste/ de dag ni theg pa gsum zhes bya'o/ /mos pa dman pa dang / dbang po dman pa skad cig tsam yang srid pa la mos par mi byed/ srid par mi byed kyi 'dor te/ skad cig de la de ma thag tu mya ngan las 'das pa thob pa'i phan yon mthong bas mgo dang
177a₇ gos la me 'bar ba bzhin du 'phags pa'i bden pa bzhi po dag khong du chud pa dang / rtog par bya ba'i phyir 'dun pa dang / rtsol ba'i shas che ba de ni nyan thos kyi theg pa zhes bya'o/ /mos pa 'bring dang / dbang po 'bring dang / dben par dga' ba dang / rang gi don lhung len pa dang / bsam

_{iiif viewer powered by OpenSeadragon}

176b - 177b

Texts on this page