rKTs

e-texts navigator

Volume

Page

175b₁ bdag gi'o snyam du rlom sems su mi byed do/ /sa la mngon par dga' bar mi byed do/ /chu dang / me dang / rlung dang / nam mkha' dang / rnam par shes pa la gcig pa dang / tha dad pa dang / mthong ba dang / thos pa dang / bye brag phyed pa dang / rnam par shes pa dang / mya ngan
175b₂ las 'das pa rlom sems su mi byed/ mya ngan las 'das pas rlom sems su mi byed/ mya ngan las 'das pa ni bdag gi'o snyam du rlom sems su mi byed/ mya ngan las 'das pa la mngon par dga' bar mi byed do/ /de rten cing 'brel bar 'byung ba'i chos rnams yang dag par
175b₃ rjes su mthong ba na rnam par thar pa'i sgo gsum po chos rnams kyi stong pa nyid dang / mtshan ma med pa dang / smon pa med pa khong du chud par byed cing rnam par 'jog go /de rten cing 'brel par 'byung ba'i chos rnams yang dag par rjes su mthong ba na 'di lta ste/ ma rig pa 'gags
175b₄ pas 'du byed 'gag / 'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /
175b₅ tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi 'gag par rten cing 'brel par 'byung ba'i 'gag pa khong du chud par byed cing rnam par 'jog
175b₆ ste/ de de ltar rten cing 'brel par 'byung ba'i 'gog pa yang dag par rjes su mthong yang rten cing 'brel par 'byung ba'i 'gog pa mngon sum du yang mi byed de/ de ltar rten cing 'brel par 'byung ba'i 'gog pa rab tu shes so/ /de chos de dag nyan cing 'dzin pa dang mang du byed
175b₇ cing yongs su rtog pa na dus gsum rab tu shes te/ gsum gang zhe na/ 'das pa'i dus dang / ma 'ongs pa'i dus dang / da ltar byung ba'i dus te/ de dag ni dus gsum rnams zhes bya'o/ /'du byed gang la la 'gag pa de ni 'das pa'i dus zhes bya'o/ /'du byed gang la

_{iiif viewer powered by OpenSeadragon}

175a - 176a

Texts on this page