rKTs

e-texts navigator

Volume

Page

174b₁ yang kun 'byung ba dang / 'gog pa la yang 'gog pa dang / lam la yang lam du yid la byed pa dang / 'du byed rnams la nyes dmigs su lta zhing gnas pa dang / mya ngan las 'das pa la phan yon du lta zhing gnas pa dang / ji ltar mthong ba dang / byas pa la so sor rtog pa yang dag pa'i
174b₂ lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin de ni sdug bsngal 'gog par 'gro ba'i lam 'phags pa'i bden pa
174b₃ zhes bya ste/ 'di dag ni 'phags pa'i bden pa bzhi zhes bya'o/ /de 'phags pa'i bden pa bzhi po de dag la dpyod cing rtog la khong du chud par byed cing rnam par 'jig pa na 'dus byas kyi khams la ni mi rtag pa dang / sdug bsngal ba dang / stong pa dang / bdag med par mthong ngo / /
174b₄ 'dus ma byas kyi khams la ni skyabs dang / gnas dang / mgon dang dpung gnyen du yang mthong la/ 'dus ma byas kyi khams mngon sum du yang mi byed de/ de ltar 'phags pa'i bden pa bzhi po dag rab tu shes so/ /de chos de dag nyan cing 'dzin pa dang / mang du byed cing
174b₅ yongs su rtog pa na rten cing 'brel bar 'byung ba rab tu shes te/ 'di lta ste/ ma rig pa'i rkyen gyis 'du byed rnams dang / 'du byed kyi rkyen gyis rnam par shes pa dang / rnam par shes pa'i rkyen gyis ming dang gzugs dang / ming dang gzugs kyi rkyen gyis skye mched drug dang / skye mched
174b₆ drug gi rkyen gyis reg pa dang / reg pa'i rkyen gyis tshor ba dang / tshor ba'i rkyen gyis sred pa dang / sred pa'i rkyen gyis len pa dang / len pa'i rkyen gyis srid pa dang / srid pa'i rkyen gyis skye ba dang / skye ba'i rkyen gyis rga shi ste/ 'di ni rten cing 'brel bar 'byung ba zhes bya'o/ /'phags
174b₇ pa'i bden pa bzhi dang / rten cing 'brel par 'byung ba mi shes pa dang / mi mthong ba gang yin pa de ni ma rig pa zhes bya'o/ /gang cung zad lus dang / ngag dang / yid kyi las bsod nams su nye bar 'gro ba 'am/ bsod nams ma yin par nye bar 'gro ba 'am/ mi g.yo bar nye

_{iiif viewer powered by OpenSeadragon}

174a - 175a

Texts on this page