rKTs

e-texts navigator

Volume

Page

174a₁ 'byung yang 'byung la mi 'byung yang mi 'byung ngo snyam pa dang / de bzhin song ba shi nas 'byung ba yang ma yin mi 'byung ba yang ma yin no snyam pa dang / srog de lus de yin snyam pa dang / srog kyang gzhan lus kyang gzhan no snyam pa dang / sems can 'di gang nas
174a₂ 'ongs/ de 'di nas shi 'phos nas gang du 'gro bar 'gyur snyam pa dang / sems can yod pa las chad de 'jig cing med par 'gyur ro snyam pa dang / byed pa de myong ba de yin no snyam pa dang / byed pa yang gzhan/ myong ba yang gzhan no snyam pa dang / bdag yod pas bdag
174a₃ gi yod par 'gyur ro snyam pa dang / bdag gi yod pas bdag yod par 'gyur ro snyam pa dang / 'di na bdag de lta bu'am/ bdag gzhan du 'gyur ba zhig gam/ de bzhin du 'gyur ba zhig gam/ gzhan du 'gyur ba zhig gam/ 'dir 'byung bar 'gyur ram/ de ltar 'byung bar
174a₄ 'gyur ram/ gzhan du 'byung bar 'gyur ram/ 'dir bdag sngon byung ngam/ bdag da ltar byung ngam/ bdag gzhan du byung ngam/ snyam du de dag la bdag tu mngon par zhen te/ 'jig tshogs la lta ba dang / nga'o snyam pa'i nga rgyal dang / sems kyi gnas dang / mngon par
174a₅ zhen pa dang / nga rgyal gyi bag la nyal ba dang / snyems pa dang / nga rgyal byed pa dang / bdag tu smra ba'i len pa dang / 'dod chags dang / zhe sdang dang / gti mug dang / nga rgyal gang yin pa thams cad dang / lus sam/ ngag gam/ sems kyi las bsod nams su nye bar 'gro ba
174a₆ 'am/ bsod nams ma yin par nye bar 'gro ba'am/ mi g.yo bar nye bar 'gro ba'am/ 'dod par gtogs pa'am/ gzugs su gtogs pa'am/ gzugs med par gtogs pa gang yin pa de ni sdug bsngal kun 'byung ba 'phags pa'i bden pa zhes bya'o/ /gang 'dod chags
174a₇ zad pa dang / zhe sdang zad pa dang / gti mug zad pa dang / nga rgyal zad pa dang / bdag tu mngon par zhen pa spangs pa dang / bdag tu smra ba'i len pa spangs pa de ni sdug bsngal 'gog pa 'phags pa'i bden pa zhes bya'o/ /gang sdug bsngal la yang sdug bsngal ba dang / kun 'byung ba la

_{iiif viewer powered by OpenSeadragon}

173b - 174b

Texts on this page