| e-texts navigator |
| བོད་ཡིག |
16b1 dag la ci rigs par chos bstan nas zad mi shes pa'i chos kyi gter phun sum tshogs par gyur te/ 'khor ba'i rgud pa gtan du spong ba gang yin pa 'di ni glog thob byang chub sems dpa' sems dpa' chen po rnams kyi gter chen po dang / zad mi shes pa'i gter dang / kun tu zad
16b2 mi shes pa'i gter dang / mtha' med pa'i gter rnam pa lnga zhes bya'o/ /byang chub sems dpa' gang gter 'di lta bu dang ldan par gyur na yon tan khyad par du 'phags pa rnams yongs su rdzogs par 'gyur ba'i phyir tshegs chung ngus myur du bla na med pa yang dag par rdzogs pa'i byang chub
16b3 mngon par rdzogs par 'tshang rgya bar 'gyur ro/ /chos kyi gter bstan pa'i chos kyi rnam grangs 'di bstan pa'i tshe byang chub sems dpa' glog thob ni gzungs rab tu thob par gyur to/ /byang chub sems dpa' lnga brgya ni glog gi 'od zer zhes bya ba'i ting nge 'dzin thob par gyur to/ /lha'i bu
16b4 sum khri drug stong ni bla na med pa yang dag par rdzogs pa'i byang chub tu sems bskyed par gyur to/ /de nas bcom ldan 'das la byang chub sems dpa' zla ba'i rgyal mtshan gyis 'di skad ces gsol to/ /bcom ldan 'das kyis 'di skad du rtsol ba ma mchis pa'i ye shes zhes gang
16b5 gsungs pa de'i don ji lta bu lags/ bcom ldan 'das kyis bka' stsal pa/ byang chub sems dpa' gang gis dge ba'i chos rnams la lus dang sems kyi rjes su 'thun pas dmigs shing mngon par 'du byed pa gang yin pa de ni rtsol ba dang bcas pa zhes bya'o/ /byang chub sems
16b6 dpa' gang lus dang sems rab tu dul bar gyur nas/ dran pa med pa/ gnas pa med pa/ rnal 'byor bsgom pa'i mtshan ma dang bral bar gyur pa dang / de sngon gyi smon lam dang / ye shes yongs su rdzogs par gyur pas sangs rgyas kyi zhing bye ba stong phrag mang po rnams su rnam
16b7 pa sna tshogs su ston par byed kyang chos kyi dbyings las g.yo ba med pa dang / rtag tu chos ston par byed kyang chos kyi mtshan ma cung zad tsam yang med pa dang / bsdu ba'i dngos po bzhis sems can yongs su smin par byas kyang sems can gang yang yongs su bzlas pa med pa
iiif viewer powered by OpenSeadragon
Texts on this page
D64 - 'phags pa glog thob kyis zhus pa zhes bya ba theg pa chen po'i mdo