rKTs

e-texts navigator

Volume

Page

16a₁ rig pa ni gzugs kyi chos rnams yang dag pa ji lta ba bzhin du so sor brtags nas yang dag pa ji lta ba bzhin du rab tu shes pa gang yin pa de ni chos so so yang dag par rig pa zhes bya'o/ /nges pa'i tshig so so yang dag par rig pa ni 'di lta ste/ gzugs rnams la
16a₂ thogs pa med pa'i ye shes kyi thabs la mkhas pas nges pa'i tshig rnam pa sna tshogs kyis rnam par 'byed pa gang yin pa de ni nges pa'i tshig so so yang dag par rig pa zhes bya'o/ /spobs pa so so yang dag par rig pa ni 'di lta ste/ gzugs kyi chos rnams sems can gyi dbang po
16a₃ ji lta ba bzhin du rnam par phye ste ston par byed kyang kun nas nyon mongs pa med cing mngon par zhen pa med pa gang yin pa de ni spobs pa so so yang dag par rig pa zhes bya'o/ /byang chub sems dpa' ni 'di lta bu'i ye shes dang ldan pas gzugs kyi chos la rmongs shing mngon par zhen par
16a₄ gyur pa'i sems can thams cad kyi rang bzhin dang / 'dun pa ji lta ba bzhin du rtsol ba med pa'i ye shes kyis ci rigs par chos ston par byed kyang chos kyi dbyings la mtshan nyid gnyis su gyur pa med de/ sgra dang / dri dang / ro dang / reg bya dang / chos kyi bar la yang de bzhin du
16a₅ rgyas par sbyar te/ /glog thob 'di ni byang chub sems dpa' sems dpa' chen po rnams kyi chos kyi gter zhes bya'o/ /byang chub sems dpa' gang gis gter 'di thob par gyur na spyod yul rnams la rmongs par gyur pa'i sems can de lta bu dag yongs su gdul bar 'dod pa'i phyir
16a₆ de dag gi mos pa ji lta ba bzhin du de dag re re la yang bskal pa 'am/ bskal pa las lhag par tshig rnam pa sna tshogs kyi thabs la mkhas pas chos ston par byed kyang de dag gi mtha' yang rnyed par mi 'gyur la/ byang chub sems dpa' de'i shes rab la yang 'grib pa med cing
16a₇ chos kyi dbyings dang mi 'gal bar gnyis su med cing dbyer med pa'i rjes su 'brang ba gang yin pa 'di ni byang chub sems dpa' thabs la mkhas pas chos thams cad dbyer med pa'i mtshan nyid bstan pas 'thob pa'i chos kyi gter zhes bya'o/ /chos kyi gter 'dis sems can

_{iiif viewer powered by OpenSeadragon}

15b - 16b

Texts on this page