rKTs

e-texts navigator

Volume

Page

166a₁ gi phyir yang ci'i phyir rdzogs pa'i byang chub thob par 'gyur ba'i brtson 'grus nyams par bya snyam mo/ /lag gzhan yang byang chub sems dpa' brtson 'grus brtsams pa yin te/ sangs rgyas ston pa'o/ /zhes ston na sangs rgyas kyi gsungs pa'am/
166a₂ nyan thos kyis bshad pa'am/ byang chub sems dpas bshad pa'am/ tha na smyon pa rnams kyis bshad pa'i chos gang yin pa dag dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu
166a₃ phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par 'gyur ba dang / sangs rgyas kyi chos thob par 'gyur ba dang / rdzogs pa'i byang chub thob par 'gyur ba dang / thams cad mkhyen pa nyid thob par 'gyur ba'i chos gang yin pa de
166a₄ dag mgo dang gos la me 'bar ba bzhin du rtag par rgyun tu nyan to/ /nges par byed do/ /rtog go /mkhas pa le lo med pa ni ru shing bzhin du byed cing yid la byed pas mdung thung dag gis bzlog kyang de mgo dang gos la me 'bar ba bzhin du rtag par rgyun tu chos de dag 'dzin to/ /
166a₅ yongs su shes par byed do/ /'chad do/ /klog go /rjes su sems so/ /gzhan dag la ston to/ /go bar byed do/ /mkhas pa le lo med pa ni ru shing bzhin du byed cing yid la byed pas mdung thung dag gis bzlog kyang rung / de bcol kyang rung / ma bcol yang rung / sems
166a₆ can thams cad kyi don dang / ci bya ba chos can chos dang ldan pa/ 'jig rten 'di la bde ba'am/ 'jig rten pha rol tu bde ba dag la rang gi lus nye bar spyod pa dang / yo byad du gyur par byed do/ /'di lta ste/ dper na 'byung ba chen po bsgribs pa med pa/ yongs su gzung ba med pa bzhi
166a₇ po 'di dag ni sems can thams cad kyi nye bar spyad pa dang / yo byad du gyur pa rnams yin no/ /lag de bzhin du byang chub sems dpa' yang rang gi lus sems can thams cad kyi nye bar spyad pa dang / yo byad du gyur par byed de/ sangs rgyas dang / chos dang / dge 'dun

_{iiif viewer powered by OpenSeadragon}

165b - 166b

Texts on this page