rKTs

e-texts navigator

Volume

Page

165b₁ phung po mtha' yas shing mtha' yas pa bzhi dang / rdzogs pa'i byang chub kyi tshogs kyi phung po mtha' yas shing mtha' yas pa bzhi yang dag par rjes su mthong la/ gzhi de las rdzogs pa'i byang chub rnyed par mi dka' bar yang dag par rjes su mthong bzhin du rdzogs pa'i
165b₂ byang chub 'thob par 'gyur ba'i brtson 'grus srog gi phyir yang ci'i phyir nyams par bya snyam mo/ /rgya mtsho chen po bzhi ni shar phyogs kyi mtha' yang mngon zhing mu yang mngon la/ lho dang / nub dang / byang dang / 'og dang / steng gi mtha' yang mngon zhing mu yang mngon
165b₃ la/ dge ba'i rtsa ba byang chub kyi tshogs kyi rgya mtsho chen po mtha' yas mu med pa bzhi po de dag la ni mtha' dang mu yod pa ma yin na/ bdag gis sems kyi skad cig sems kyi skad cig la dge ba'i rtsa ba'i byang chub kyi tshogs kyi rgya mtsho chen po bzhi po 'di dag 'phel zhing rgyas na
165b₄ rdzogs pa'i byang chub 'thob par 'gyur ba la srog gi phyir yang ci'i phyir brtson 'grus nyams par bya snyam mo/ /lag gzhan yang byang chub sems dpa' 'di ltar yang dag par slob ste/ gang dag seng ge dang / stag dang / khyi dang / ce spyang dang / bya rgod dang / khrung
165b₅ khrung dang / bya rog dang / 'ug pa dang / srin bu dang / sbrang ma dang / sbrang bu dang / sha sbrang du gyur pa de dag gis kyang byang chub mngon par rdzogs par sangs rgyas par gyur na/ bdag mir gyur bzhin du srog gi phyir yang ci'i phyir rdzogs pa'i byang chub thob par 'gyur ba'i brtson 'grus
165b₆ nyams par bya snyam mo/ /lag gzhan yang byang chub sems dpa' 'di ltar yang dag par slob ste/ mi brgya 'am/ mi stong gis kyang sangs rgyas nyid rtogs shing thob na bdag gis kyang 'dir ci'i phyir mi rtogs shing thob par mi 'gyur/ gang gA'i klung gi bye ma snyed kyi de bzhin
165b₇ gshegs pa dgra bcom pa yang dag par rdzogs pa'i sangs rgyas rnams kyis kyang rtogs shing brnyes/ gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyang rtogs shing brnyes par gyur na/ bdag gis 'dir srog

_{iiif viewer powered by OpenSeadragon}

165a - 166a

Texts on this page