rKTs

e-texts navigator

Volume

Page

164a₁ cung zad du yang mi bzod pa dang / ji snyam par mi byed pa spang ba dang / dor ba dang / bsal bar stsol lo/ /'bad do/ /dus dus su 'am/ cung zad cung zad du yang bzod pa dang / ji mi snyam pa la slob pa dang / mngon par 'phel bar bya ba dang / yongs su
164a₂ rdzogs par bya ba stsol lo/ /'bad do/ /srid pa gzhan du gyur pa na yang zhum par mi 'gyur zhing sgyid lug par mi 'gyur ro/ /lag byang chub sems dpa' rnams kyi byang chub tu sems bskyed pa dang / byang chub kyi sems rjes su dran pa dang / byang chub kyi sems sgom pa
164a₃ dang / byang chub tu smon pa dang / byang chub tu smon lam 'debs pa gang yin pa de nyid de dag gi bzod pa kun tu spyod pa dge ba dang / bzod pa yang dag par bsgrub pa dge ba grangs med cing dpag tu med pa yin no/ /de ci'i phyir zhe na/ 'di lta ste/ 'jig rten gyi khams
164a₄ thams cad du sems can thams cad la zag pa med pa'i bzod pa bskyed par 'dod pa dang / mi slob pa'i bzod pa bskyed par 'dod pa dang / zag pa med pa'i bzod pa yang dag par bskyed par 'dod pa dang / mi slob pa'i bzod pa yang dag par bskyed par 'dod pa de ni bzod
164a₅ pa kun tu spyod pa dge ba dang / bzod pa yang dag par sgrub pa dge ba thams cad kyi mchog yin no/ /de ni dam pa yin no/ /lag de ltar na byang chub sems dpa' bde ba dang ldan la yid bde ba dang ldan zhing tshegs chung ngu dang / sdug bsngal chung ngus myur du skyen par bzod pa'i
164a₆ pha rol tu phyin pa yongs su rdzogs par byed do/ /lag byang chub sems dpa' ji ltar brtson 'grus kyi pha rol tu phyin pa yongs su rdzogs par byed ce na/ lag 'di la byang chub sems dpa' 'di ltar yang dag par slob ste/ phyogs bcu'i phyogs re rer yang 'jig rten
164a₇ gyi khams mtha' yas mu med de/ 'jig rten gyi khams re re na yang sems can mtha' yas so/ /de ltar sems can gyi tshogs mtha' yas shing mu med pa la mtha' yod pa ma yin mu yod pa ma yin te/ bdag ni sems can gyi tshogs mtha' yas shing mtha' yas pa de la phan pa'i phyir go cha bgos

_{iiif viewer powered by OpenSeadragon}

163b - 164b

Texts on this page