| e-texts navigator |
| བོད་ཡིག |
161b1 de ltar na byang chub sems dpa' bde ba dang ldan la yid bde ba dang ldan zhing tshegs chung ngu dang / sdug bsngal chung ngus myur du skyen par tshul khrims kyi pha rol tu phyin pa yongs su rdzogs par byed do/ /lag byang chub sems dpa' ji ltar bzod pa'i pha rol tu phyin
161b2 pa yongs su rdzogs par byed ce na/ lag 'di la byang chub sems dpa' ni gzhan dag gi rang gi lus kyi srog gcod dam/ bdog pa thams cad 'phrog gam/ chung ma 'phrog gam/ du smra ba'am/ phra ma dang / ngag rtsub po dang / tshig kyal pa smra ba'am/
161b3 gshe 'am/ gsod dam/ 'dzin tam/ rdeg gam/ gcod kyang slar gnod par mi byed cing slar mi khro ste shar gnyer zhing 'khon du 'dzin par mi byed do/ /de 'di ltar yang dag par slob ste/ bdag nyid kyis sngon gyi srid pa rnams dang / srid pa 'di la sdig pa mi dge
161b4 ba'i las 'di dag byas shing bsags pa de dag gi 'bras bu ni 'di yin/ de dag gi rnam par smin pa ni 'di yin te/ rang gi las kyi 'bras bu dang / rang gi las kyi rnam par smin pa bdag gis myong ba la ci'i phyir gzhan la slar gnod par bya zhing slar khro ba dang / shar
161b5 gnyer zhing 'khon du 'dzin par bya snyam du sems so/ /lag gzhan yang byang chub sems dpa' 'di ltar yang dag par slob ste/ gal te bdag gi srog gcod pa'am/ bdog pa thams cad 'phrog pa'am/ chung ma 'phrog pa'am/ du smra ba'am/ phra ma
161b6 'am/ ngag rtsub po'am/ tshig kyal pa smra ba'am/ gshe ba'am/ gsod pa'am/ 'dzin pa'am/ rdeg pa'am/ gcod pa yang rung ste/ gzhan dag la slar gnod pa byas sam/ slar khro ba'am/ shar gnyer zhing 'khon du bzung na slar gnod pa
161b7 byas pa dang / slar khros pa dang / shar gnyer zhing 'khon du bzung ba'i sdig pa mi dge ba de'i sdug bsngal gyi tshor ba mi 'dod pa/ mi sdug pa yid du mi 'ong ba 'di bas bdag la las kyi rnam par smin pa dang / las kyi rgyu 'thun pa brgya gyur tam/ stong gyur tam/
iiif viewer powered by OpenSeadragon
Texts on this page
D70 - 'phags pa lag bzangs kyis zhus pa zhes bya ba theg pa chen po'i mdo