rKTs

e-texts navigator

Volume

Page

161a₁ thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do/ /yang dag par 'dzin pa dang / lhag par spyod pa dang / yang dag par blangs pa dang / lhag par spyad nas kyang sems can thams cad
161a₂ bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do/ /gal te tshul khrims de ma zhig
161a₃ pa dang / ma ral ba dang / 'dren ma ma yin par slob pa'i nus pa dang mi ldan par gyur na de 'di ltar yang dag par slob ste/ dus dus su'am/ cung zad cung zad du yang mi dge ba spang ba dang / dor ba dang / bsal bar rtsol lo/ /'bad do/ /dus dus su'am/ cung
161a₄ zad cung zad du yang dge ba la slob pa dang / mngon par 'phel bar bya ba dang / yongs su rdzogs par bya bar rtsol lo/ /'bad do/ srid pa gzhan du gyur pa na yang zhum par mi 'gyur zhing sgyid lug par mi 'gyur ro/ /lag byang chub sems dpa' rnams kyi byang chub
161a₅ tu sems bskyed pa dang / byang chub kyi sems rjes su dran pa dang / byang chub kyi sems sgom pa dang / byang chub tu smon pa dang / byang chub tu smon lam 'debs pa gang yin pa de nyid de dag gi dge ba'i tshul khrims yang dag par 'dzin pa dang / dge ba'i tshul khrims
161a₆ la lhag par spyod pa grangs med cing dpag tu med pa yin no/ /de ci'i phyir zhe na/ 'di lta ste/ 'jig rten gyi khams thams cad du sems can thams cad la zag pa med pa'i tshul khrims bskyed par 'dod pa dang / mi slob pa'i tshul khrims bskyed par 'dod pa dang / zag
161a₇ pa med pa'i tshul khrims yang dag par bskyed par 'dod pa dang / mi slob pa'i tshul khrims yang dag par bskyed par 'dod pa de ni dge ba'i tshul khrims yang dag par 'dzin pa dang / dge ba'i tshul khrims la lhag par spyod pa'i mchog yin no/ /de ni dam pa yin no/ /lag

_{iiif viewer powered by OpenSeadragon}

160b - 161b

Texts on this page