rKTs

e-texts navigator

Volume

Page

15a₁ 'khor bar 'gyur ba yin no/ /mkhas pa dag ni chos kyi dbyings kyi mtshan nyid la shin tu legs par rtog par byed pa'i phyir bdag dang / gang zag dang / sems can zhes bya ba nas srog ces bya ba'i bar du cung zad tsam yod par yang dag par rjes su mi mthong
15a₂ la/ skye ba dang / rga ba dang / na ba dang / 'chi ba dang / gsod pa dang / gnod pa byed pa dag kyang mi dmigs so zhes gsungs pa dang / glog thob de'i tshe shan pa 'jigs su rungs pas rgyang nas de bzhin gshegs pas chos bshad pa'i sgra thos nas go bar gyur pas de ma thag tu
15a₃ gsod pa'i sems nye bar zhi bar gyur nas mtshon cha spangs te g.yang sa nas byung nas bcom ldan 'das de ga la ba der song ste/ bcom ldan 'das kyi zhabs gnyis la mgo bos gtugs nas phyag byas te phyogs gcig tu 'dug nas bcom ldan 'das de la 'di skad ces gsol to/ /
15a₄ bcom ldan 'das bdag ni deng de bzhin gshegs pa'i bstan pa la rab tu byung nas lam bsgrub par 'tshal lo zhes gsol pa dang / bcom ldan 'das kyis bka' stsal pa de rigs so/ /dge slong legs par 'ongs sam zhes gsungs ma thag tu dge slong gi dngos por gyur nas
15a₅ rdzogs par bsnyen par gyur to/ /de nas de bzhin gshegs pa mchog tu skyes pas de'i lhag pa'i bsam pa thugs kyis mkhyen nas mthar gyis yongs su smin par mdzad cing / byang chub sems dpa'i spyod pa rnams rgya cher yang dag par bstan pa 'jigs su rung bas thos pas mi skye
15a₆ ba'i chos la bzod pa thob nas sangs rgyas kyi bstan pa la phyir mi ldog pa thob par gyur to/ /glang de yang de bzhin gshegs pa des rten cing 'brel par 'byung ba'i chos kyi tshig ston pa'i gsung sgra shin tu gya nom pa thos nas sems la rab tu dga' ba skyes pas shi 'phos pa'i 'og tu dga' ldan gyi
15a₇ lha'i gnas su skyes nas tha mar byams pa dang phrad de yang dag pa'i dad pa dang ldan par gyur to/ /glog thob de ltar na sems can rnams kyi spyod pa ni shin tu zab pa dang / rnam par rig par dka' zhing shes par dka' ba yin te/ de'i phyir glog thob byang chub sems dpa' gang gis bla na

_{iiif viewer powered by OpenSeadragon}

14b - 15b

Texts on this page