| e-texts navigator |
| བོད་ཡིག |
14a1 pa 'am/ lus kyi yan lag dang nying lag gcod cing gtub pa zhig dang phrad par gyur na yang pha rol gnod pa byed pa de dag la lan bya'o snyam pa'i bsam pa med do/ /glog thob byang chub sems dpa' de ltar yang dag par sgom pa na 'das pa'i mi dge ba'i las
14a2 ji snyed pa dag kyang gtan du zad cing ma lus par 'byang bar 'gyur la/ ma 'ongs pa'i mi dge ba rnams ni yang ldang bar mi 'gyur ro/ /glog thob sngon byung ba 'das pa'i bskal pa tshad med grangs med pa de bzhin gshegs pa mar me mdzad kyi yang ches snga rol na de bzhin gshegs pa
14a3 dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das mchog tu skyes pa zhes bya ba 'jig
14a4 rten du byung ngo / /'jig rten gyi khams de ni 'od zer can zhes bya ste/ rgyal po'i grong khyer rab tu bde ba zhes bya ba'i tshal na bzhugs so/ /de'i tshe shan pa 'jigs su rung ba zhes bya ba khro gtum che zhing gsod pa la dga' ba/ bzod pa dang byams pa'i sems med pa/ lag pa khrag
14a5 gis bskus pa/ mthong ba thams cad skrag par 'gyur ba zhig yod de/ de'i tshe shan pa des glang zhig khang pa'i nang du bcings te nang du zhugs nas gsod par byas pa las glang des de mthong nas shin tu skrag pas thag pa bcad de bros nas de bzhin gshegs pa mchog tu skyes pa
14a6 bzhugs pa'i tshal ga la ba der song ngo / /de'i tshe shan pa de yang mtshon thogs nas phyi bzhin du bsnyags pas glang de skrag nas g.yang sa zab mo zhig tu lhung bas srog chad la thug pa tsam du na zhing sdug bsngal bas sgra phyung ngo / /de'i tshe shan pas glang de mthong nas zhe sdang cher skyes te/
14a7 g.yang sa zab mo de nyid du zhugs nas mtshon thogs te bsad par byas pa las mtshon ma btab pa'i bar skabs su/ de'i tshe de bzhin gshegs pa mchog tu skyes pa tshal der 'khor mang po brgya stong tshad med pas yongs su bskor ba dag la rten cing 'brel par 'byung ba'i chos kyi rnam grangs 'di
iiif viewer powered by OpenSeadragon
Texts on this page
D64 - 'phags pa glog thob kyis zhus pa zhes bya ba theg pa chen po'i mdo