| e-texts navigator |
| བོད་ཡིག |
13b1 bzod par nus pa'i 'os su gyur pa dang / tshig legs par nyan par gyur pa dag kyang ngas rab tu mkhyen te/ de ltar mkhyen par gyur nas kyang sems can de dag yongs su sdud cing phan 'dogs par byed do/ /de lta bas na glog thob byang chub sems dpa' las dang po pa yang
13b2 dag pa'i gnas skabs su ma zhugs pa sems can rnams kyi lhag pa'i bsam pa legs par khong du ma chud pa dag gis khyim na gnas pa 'am/ rab tu byung ba yang rung ste/ thams cad kun la smod cing gnod sems bskyed nas yun ring por bdag nyid la gnod par 'gyur
13b3 ba mi bya'o/ /de'i phyir byang chub sems dpa' sems dang po bskyed pa nas theg pa chen po la gnas pa thams cad la sangs rgyas kyi 'du shes bskyed par bya'o/ /sems can gzhan dag sdig pa mi dge ba'i las byed pa mthong na yang gnod sems bskyed par mi bya'o/ /de
13b4 ci'i phyir zhe na/ de bzhin gshegs pas rtag tu sems can gang rnam par dkar zhing yongs su dag pa'i chos las cung zad cig nyan par gyur na nam yang yongs su mya ngan las mi 'da' bar mi 'gyur ro zhes gsungs pas so/ /byang chub sems dpa' ni gal te 'dod
13b5 chags spyod pa'i sems can mthong bar gyur na sems can 'di dag 'dod chags kyis gdung bas bsregs par gyur pa yang bdag gis nyes pa yin no snyam du sems so/ /zhe sdang dang / gti mug gis gdung bas bsregs par gyur pa de dag mthong na yang 'di dag thams
13b6 cad ni bdag gis nyes pa yin no snyam du sems so/ /de ci'i phyir zhe na/ bdag gis sems can thams cad na ba'i sdug bsngal dang ldan par gyur pa dag mthong bar gyur na sman yongs su btsal te thabs mkhas pas yongs su gso ba'i rigs pa las/ bdag sngon sems can
13b7 gyi nad bsal bar yi dam bcas nas deng yal bar bor ba 'di nyid bdag gi nyes pa yin no snyam du sems pas so/ /byang chub sems dpa' ni de lta bu'i bsam pa dang ldan pas bdag nyid kyi nyes pa la lta zhing sems can rnams la byams pa'i sems skyed par byed do/ /gal te gsod
iiif viewer powered by OpenSeadragon
Texts on this page
D64 - 'phags pa glog thob kyis zhus pa zhes bya ba theg pa chen po'i mdo