rKTs

e-texts navigator

Volume

Page

13a₁ thams cad rab tu mkhyen pas 'khor mang po'i nang du chos rnam pa sna tshogs yang dag par ston par mdzad do/ /sangs rgyas kyi zhing 'jig rten gyi khams tshad med grangs med pa dag na 'dod chags kyi spyod pa dang mtshungs par ldan pa'i sems can rnams 'dod chags
13a₂ kyis yongs su gdungs nas nyin mtshan du yid la byed cing don med par dus las 'da' bar byed pa yang ngas rab tu mkhyen cing gzigs so/ /'dod chags kyis gdung bas/ lus dang / ngag gi las rnam pa sna tshogs slong bar byed pa dag kyang ngas rab tu mkhyen cing
13a₃ gzigs so/ /zhe sdang spyod pa'i sems can de dag zhe sdang gi zil gyis non nas gcig la gcig zhe sdang gis phrag dog byed pa dang / gnod pa byas pa'i phyir mnar med pa'i gnas su ltung bar 'gyur ba dag kyang ngas rab tu mkhyen cing gzigs so/ /gti mug spyod pa dang
13a₄ mtshungs par ldan pa'i sems can rnams ma rig pa'i mun nag gis bsgribs shing rmongs pas mngon par zhen pa dang / log par lta ba'i rjes su 'brang ba la mos par 'gyur ba dag kyang ngas rab tu mkhyen to/ /'os su 'gyur ba dang / 'os su mi 'gyur ba dang / 'phel zhing rtsol
13a₅ ba dang bcas pa dang / ldog cing nyams par gyur pa dang / de bzhin gshegs pa'i theg par dge ba'i rtsa ba bskyed pa dang / rang sangs rgyas kyi theg par dge ba'i rtsa ba bskyed pa dang / nyan thos kyi theg par dge ba'i rtsa ba bskyed pa dag kyang ngas rab tu mkhyen to/ /de bzhin
13a₆ g shegs pa ni de lta bu'i mkhyen pa dang ldan pas 'khor mang po'i nang du bzhugs nas sems can gyi sems kyi spyod pa'i bye brag kyang rab tu mkhyen pas gal te dus la ma bab par rig par gyur na ni cang mi gsung zhing btang snyoms su bzhag nas sems can 'di dag ni chos la
13a₇ rmongs par gyur pas/ khong du chud par mi 'gyur ro snyam du dgongs so/ /de bzhin gshegs pa ni dbang po dang stobs khyad par du 'phags pa phun sum tshogs shing dus rab tu mkhyen pa'i phyir gdul ba'i 'os su gyur pa dang / bsam pa mchog tu gyur pa dang /

_{iiif viewer powered by OpenSeadragon}

12b - 13b

Texts on this page