rKTs

e-texts navigator

Volume

Page

132b₁ phyag 'tshal te/ bcom ldan 'das la lan gsum bskor ba byas nas phyogs gcig tu 'dug go /de nas bcom ldan 'das kyis byang chub sems dpa' de dag la 'di skad ces bka' stsal to/ /rigs kyi bu dag khyed ma ngu ma 'gyod par longs/ khyed nyid
132b₂ kyis las kyi rnam par smin pa la mi rtog par dga' zhing mgu la yi rangs pas gzhan la gtse zhing gshe ba byas te/ las kyi sgrib pa de lta bu mngon par 'dus byas pas da ltar khyed bsgribs shing chod de kun nas bskor cing kun nas dkris nas brtson par mi nus
132b₃ so/ /de nas byang chub sems dpa' drug cu tsam po de dag gis bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /
132b₄ bdag cag gis gang thos na rang gi sems zlog par bgyid cing las kyi sgrib pa gzhan yang mngon par 'du mi bgyid par 'gyur ba'i bdag cag gi las kyi sgrib pa bcom ldan 'das kyis legs par bka' stsal du gsol/ de skad ces gsol pa dang / bcom ldan
132b₅ 'das kyis gang zag byang chub sems dpa'i theg pa pa drug cu po de dag la 'di skad ces bka' stsal to/ /rigs kyi bu dag sngon byung ba 'das pa'i dus na de bzhin gshegs pa log par dad sel gyi gsung rab la khyed rab tu byung ste 'khod pa na tshul khrims kyi rgyags pas
132b₆ myos pa dang / thos pa'i rgyags pas myos pa dang / sbyangs pa'i yon tan dang / yo byad bsnyungs pa la mngon par zhen pas dge slong chos smra ba gnyis la 'di ltar rnyed pa dang bkur sti'i rgyu dang / mdza' bshes kyi khyim dang / slongs mo ster ba'i khyim gyi
132b₇ gzhi las phrag dog dang ser sna dang ldan pas 'khrig pa'i skur pas bskur te/ chos smra ba'i dge slong de gnyis kyi mdza' bshes kyi khyim dang / slongs mo ster ba'i khyim du gyur pa gang yin pa de dag kyang khyed kyis phye ste/ the tshom bskyed cing ma dad par byas la/

_{iiif viewer powered by OpenSeadragon}

132a - 133a

Texts on this page