| e-texts navigator |
| བོད་ཡིག |
132a1 bya ba'i gtam rnam pa sna tshogs byas nas byang chub sems dpa' de dag la 'di skad ces smras so/ /ci rigs kyi bu dag khyed dge ba'i chos rnams kyis 'phel ba'am/ yongs su nyams par ma gyur tam/ de dag gis smras pa/ tshe dang
132a2 ldan pa byams pa bdag cag ni dge ba'i chos rnams las yongs su nyams te 'phel bar ma gyur to/ /bdag cag de bzhin gshegs par 'gyur ram mi 'gyur snyam pa'i the tshom gyis kyang bdag cag gi sems kun nas dkris shing 'dug go /bdag cag
132a3 log par ltung ba'i chos can yin nam/ log par ltung ba'i chos can ma yin zhig gu snyam pa'i 'gyod pas kyang bdag cag gi sems kun nas dkris shing 'dug ste/ bdag cag ni dge ba'i chos rnams la yang 'dun pa mi skye'o/ /de skad ces smras pa
132a4 dang / byang chub sems dpa' sems dpa' chen po byams pas byang chub sems dpa' de dag la 'di skad ces smras so/ /rigs kyi bu dag khyed tshur shog /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa
132a5 ga la bzhugs pa der 'dong ngo / /de ci'i phyir zhe na/ bcom ldan 'das de ni thams cad mkhyen pa/ thams cad gzigs pa/ ye shes sgrib pa mi mnga' ba dang ldan pa/ sems can thams cad kyi spyod pa la 'jug pa la mkhas pa ste/ des khyed kyi spyod pa'i
132a6 rim pa ji lta ba bzhin du chos ston par 'gyur ba'i phyir ro/ /de nas byang chub sems dpa' drug cu tsam po de dag byang chub sems dpa' sems dpa' chen po byams pa dang lhan cig tu bcom ldan 'das ga la ba der dong ste/ lhags nas bcom ldan 'das kyi zhabs
132a7 la mgo bos phyag 'tshal te/ ngu zhing bcom ldan 'das la yan lag lngas yang dang yang du phyag 'tshal nas gdong la mchi ma zag cing mgo ma bteg go /byang chub sems dpa' sems dpa' chen po byams pas kyang bcom ldan 'das kyi zhabs la mgo bos
iiif viewer powered by OpenSeadragon
