rKTs

e-texts navigator

Volume

Page

11a₁ dam pa'i chos rgya cher spel te/ grong dang / grong khyer dang / grong rdal gang dang gang du song ba der sems can brgya stong tshad med pa snyed yongs su btul nas bla na med pa yang dag par rdzogs pa'i byang chub la bkod par gyur to/ /de'i tshe dge slong sdig can mang po
11a₂ rnams rnal 'byor khong du ma chud pa/ rtag par phrag dog dang bcas pa/ bdud kyis bslus pa rnams rgyal po de ga la ba der dong ste 'di skad du rgyal pos bkur ba'i dge slong dri ma med pa ni rgyal po'i pho brang du 'byung zhing 'jug pa la thags thogs ma mchis te/ dge slong 'di
11a₃ 'dod chags dang bral ba yang ma lags la/ dus ma lags par yang zas 'tshal te/ spos dang phreng ba dag gis kyang lus brgyan par bgyid pas yang dag par tshangs par spyod pa ma lags pas mchod pa mdzad pa'i mi rigs so/ /bdag cag ni don 'di'i slad du 'dir
11a₄ mchis nas rgyal po la gsol ba lags kyis/ slad kyis 'gyod par yang ma mdzad cig /sangs rgyas kyi yang dag pa'i bstan pa la thugs mi ches pa yang mi bskyed du gsol zhes smras so/ /de'i tshe bdud sdig can zhes bya ba zhig kyang bdag nyid dge slong gi gzugs su bsgyur nas rgyal
11a₅ po de ga la ba der song ste snga ma bzhin du smras so/ /de'i tshe rgyal po rgya cher byin pas yang dang yang du de skad smras pa thos kyang 'di snyam du dge slong dri ma med pa ni rab tu brtson zhing blo dang ldan pas bdag gis bla mar bkur ba yin te/ dngos po 'di lta bu byed pa ni gnas med do snyam mo/ /
11a₆ de nas de'i tshe bdud kyi 'khor rnams par snang las lus phyed bstan nas rgyal po de la tshigs su bcad de smras pa/ rgyal po bzo yi sgyu rtsal slobs/ /dus tshod dag la mkhas par gyis/ /rgyal pos de ni ma shes na/ /mi rgyal rtags dang ldan ma yin/ /sangs rgyas nyan thos
11a₇ dgra bcom pa/ /ye shes chen po ldan pa yi/ /tshig dag la ni mi rten par/ /ci yi phyir na chad par lta/ /dge slong rnams ni phan gdags phyir/ /khyod la bden tshig smra ba yin/ /chad smra ngan 'gror 'gro ba'i mi/ /yang dag tshangs spyod ma yin pas/ /de ni rgyal po'i pho

_{iiif viewer powered by OpenSeadragon}

10b - 11b

Texts on this page