rKTs

e-texts navigator

Volume

Page

282a₁ par byas pa na/ mngon par shes pa dang / byang chub pa dang / mya ngan las 'das par gyur to/ /yang 'od srung ngas dga' ba yang dag byang chub kyi yan lag tu bshad do/ /de mang du bsgoms par byas pa na/ mngon par shes pa dang / byang chub pa dang / mya ngan las
282a₂ 'das par gyur to/ /yang 'od srung ngas shin tu sbyangs pa yang dag byang chub kyi yan lag tu bshad do/ /de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to/ /yang 'od srung ngas ting nge 'dzin yang dag byang chub kyi yan lag
282a₃ tu bshad do/ /de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to/ /yang 'od srung ngas btang snyoms yang dag byang chub kyi yan lag tu bshad do/ /de mang du bsgoms par byas pa na/ mngon par shes pa dang /
282a₄ byang chub pa dang / mya ngan las 'das par gyur to/ /'od srung 'di ni byang chub kyi yan lag bdun te ngas bshad do/ /de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to/ /bcom ldan 'das de bzhin
282a₅ gshegs pas gsungs pa'i byang chub kyi yan lag la bslab par bya'o/ /bcom ldan 'das kyis de skad ces bka' stsal pa dang / tshe dang ldan pa 'od srung chen po bcom ldan 'das kyis gsungs pa la mngon par bstod do// //de ma thag tu nad zhi bar gyur nas/ tshe
282a₆ dang ldan pa 'od srung chen po langs so/ /tshe dang ldan pa 'od srung chen po'i nad zhi bar gyur to/ /gnas brtan 'od srung chen po'i mdo rdzogs // @##/ /rgya gar skad du/ sUr+ya sU tra/ bod skad du/ nyi ma'i mdo/ 'phags pa dkon mchog
282a₇ gsum la gus pas phyag 'tshal lo/ /'di skad bdag gis thos pa dus gcig na/ bcom ldan 'das mnyan yod rgyal byed tshal mgon med zas sbyin gyi kun dga' ra ba na bzhugs so/ /de'i tshe lha'i bu nyi ma/ lha ma yin gyi dbang po sgra gcan 'dzin gyis bzung ngo / /de nas

_{iiif viewer powered by OpenSeadragon}

281b - 282b

Texts on this page