| e-texts navigator |
| བོད་ཡིག |
279a1 ri'i kun dga' bo'i nad phyis med par gyur to/ /tshe dang ldan pa ri'i kun dga' bo'i mdo rdzogs // //paN+Ti ta chen po A nan+da shrI'i zhal snga nas/ mang du thos pa'i lo tsA ba shAkya'i dge slong nyi ma rgyal mtshan dpal bzang pos/ skad gnyis
279a2 smra ba rnams kyi gdan sa/ gtsug lag khang chen po dpal thar pa gling du bsgyur cing zhus te gtan la phab pa'o/ /@##/ /rgya gar skad du/ nan+do pa nan+da nA ga rA dza da ma na sU tra/ bod skad du/ klu'i rgyal po dga' bo nyer
279a3 dga' 'dul ba'i mdo/ 'phags pa dkon mchog gsum la gus pas phyag 'tshal lo/ /'di skad bdag gis thos pa dus gcig na/ bcom ldan 'das mnyan yod rgyal byed tshal mgon med zas sbyin gyi kun dga' ra ba na bzhugs so/ /khyim bdag mgon med zas
279a4 sbyin dus gcig na/ bcom ldan 'das kyis chos bstan pa thos nas/ btsun pa dge slong lnga brgya dang bcas pa sang nang par bdag gi khyim du gdugs tshod la 'byon par zhu zhes mgron du gnyer to/ /bcom ldan 'das kyis de la gnang nas/ de'i nyin mo'i lhag ma dang mtshan
279a5 mo'i mtha' 'das nas tho rangs kyi dus su stong phrag bcu'i 'jig rten gyi khams la thugs kyis rnam par dgongs so/ /de nas klu'i rgyal po dga' bo nyer dga' zhes bya ba ye shes kyi sgo nas mngon du byas so/ /de la nges par legs pa'i sa bon yod dam zhes brtags pa na/
279a6 'di ni log par lta ba can dkon mchog gsum la dad pa med par gzigs so/ /gzigs nas gang zhig 'di ni log par lta ba las/ rnam par grol bar bya ba'i phyir/ 'dul bar byed pa/ gnas brtan chen po maud gal gzigs so/ /de nas mtshan mo tho rangs
279a7 kyi dus su sku'i byi dor mdzad nas/ tshe dang ldan pa kun dga' bo bos te bka' stsal pa/ kun dga' bo/ dge slong lnga brgya dang bcas pa'i bcom ldan 'das lha'i 'jig rten du gshegs so zhes ston cig /des btsun pa bka' bzhin 'tshal lo zhes gsol nas dge
iiif viewer powered by OpenSeadragon
Texts on this page
D38 - ri'i kun dga' bo'i mdo
D39 - klu'i rgyal po dga' bo nyer dga' 'dul ba'i mdo