| e-texts navigator |
| བོད་ཡིག |
276b1 nad dam po sdug bsngal bas gzir to/ /btsun pa bcom ldan 'das legs par mdzad du gsol/ dge slong tshe dang ldan pa ri'i kun dga' bo ga la ba der gshegs la rjes su brtse bas gshegs par zhu/ de nas bcom ldan 'das kyis tshe dang ldan pa kun dga' bo la bka' stsal pa/ der
276b2 yang kun dga' bo khyod dge slong ri'i kun dga' bo'i thad du song la 'du shes bcu bshad par gyis shig / rnam par shes pa dang ldan pa'i gnas su smra bar gyis shig /gzhan yang dge slong ri'i kun dga' bos 'du shes bcu thos nas nad kyis gzir ba'i gnas rnams la so sor rig par
276b3 'gyur ro/ /bcu gang zhe na/ mi rtag pa'i 'du shes dang / bdag med pa'i 'du shes dang / mi gtsang ba'i 'du shes dang / bar du gcod pa'i 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'jig rten thams cad la
276b4 mngon par mi dga' ba'i 'du shes dang / 'du byed thams cad la mi rtag pa'i 'du shes dang / 'byung ba dang rngubs pa rjes su dran pa'i 'du shes so/ /mi rtag pa'i 'du shes du zhe na/ 'di ni tshe dang ldan pa kun dga' bo/ /dgon pa 'am/ shing drung ngam/ khang pa stong par song la 'di ni so sor rig
276b5 par bya'o/ /gzugs mi rtag pa dang / tshor ba mi rtag pa dang / 'du shes mi rtag pa dang / 'du byed mi rtag pa dang / rnam par shes pa mi rtag pa ste 'di rnams la nye bar len pa'i phung po lnga po mi rtag par blta bar bya'o/ /de la mi rtag pa'i 'du shes ston cig /kun dga' bo bdag med pa'i 'du
276b6 shes du zhe na/ 'di ni dge slong kun dga' bo/ /dgon pa 'am/ shing drung ngam/ khang pa stong par song la 'di ni so sor rig par bya'o/ /mig bdag med pa dang / gzugs bdag med pa dang / rna ba bdag med pa dang / sgra bdag med pa dang / sna bdag med pa dang / dri bdag med pa dang / lce
276b7 bdag med pa dang / ro bdag med pa dang / lus bdag med pa dang / reg bya bdag med pa dang / yid bdag med pa dang / chos bdag med pa ste/ 'di rnams ni nang gi drug dang phyi'i skye mched drug bdag med pa'o/ /bdag med pa la lta zhing bsam par bya'o/ /kun dga' bo bdag med pa 'di rnams ston
iiif viewer powered by OpenSeadragon
Texts on this page
D38 - ri'i kun dga' bo'i mdo