rKTs

e-texts navigator

Volume

Page

273b₁ lam nas 'thon pas/ de rnams kyis sdug bsngal myong bar 'gyur ro/ /rgyun du ngu zhing dpag tshad drug cu pa'i lcags kyi bum par bskal pa gcig tu sdod do/ /me mdag gis yongs su gang bar dmyal ba'i srung ma rnams kyi khar ldugs so/ /de'i phyir bcom ldan 'das kyis bka' stsal
273b₂ pa/ ri nag brtsegs pa mnyam zhing mtho/ /shing ni tsher mar bcas pa dang / /lcags kyi tsher ma rnon po yis/ /'jig rten mi la bde ba med/ /shing gi rtse mor gnas pa yi/ /dus kyi chung mas ci zhig bya/ /de'i phyir bcom ldan 'das kyis bka' stsal pa/ dge slong dag
273b₃ 'dod pa rnams la log par g.yem pa ni/ sbrul dug can dang 'dra bar blta bar bya'o/ /dmyal bar 'jug pa dang / kyi yul du 'jug pa dang / dud 'gro'i skye gnas su skye bar 'gyur ro/ /gang zhig 'dod pa rnams la log par g.yem pa'i rnam par smin pa ni shin tu chen
273b₄ po'o/ /de mir skyes kyang sdug bsngal chen po myong bar 'gyur ro/ /de'i phyir bcom ldan 'das kyis bka' stsal pa/ skye ba lnga brgyar bud med 'gyur/ /de bzhin du ni ma ning 'gyur/ /skyug bro'i mdze can yang yang 'gyur/ /log par g.yem pa'i nyes pa'o/ /skye ba du mar nye bar
273b₅ 'tshe ba dang / dgra mang bar 'gyur ba dang / mi mdza' ba dang rtag tu lhan cig tu gnas par 'gyur ba dang / nyal ba dang ldang ba'i tshe sdug bsngal dang bcas pa dang / dus rtag tu khro ba dang / mis gnod par byed pa dang / rtag tu lus sgur bar 'gyur ba dang / 'on pa dang / skye ba
273b₆ nas skye bar dmus long la sogs par skye bar 'gyur/ rnam par 'gyur bar nges pa dang / rtag tu sems mi dga' bar 'gyur ba dang / phan tshun du 'thab pa la dga' ba dang / dga' ba'i sems dang 'bral bar 'gyur ro/ /de lus zhig nas shi ba'i pha rol du ngu 'bod chen po'i dmyal
273b₇ bar ltung zhing skye bar 'gyur ro/ /der yang de la sdug bsngal drag pa dang / rtsub pa dang / tsha ba nyams su myong bar 'gyur/ 'dod pas log par g.yem pa'i rnam par smin pa'o/ /log par g.yem pa spangs pa yi/ /skyes pa'am ni bud med kyis/ /thob par 'gyur te phan

_{iiif viewer powered by OpenSeadragon}

273a - 274a

Texts on this page