| e-texts navigator |
| བོད་ཡིག |
273a1 bkren pa dang / /gzugs ngan nye bar 'tshe ba dang / /rigs ngan du ni skye ba ni/ /ma byin len pa'i nyes pa'o/ /ma byin par len pa'i rnam par smin pa'o/ /ma byin len pa spangs pa yis/ /skyes pa 'am ni bud med ni/ /thob par 'gyur te phan yon ni/ /
273a2 yon tan nyi shu mi dman par/ /rtag tu 'bru ni mang ba dang / /mtha' yas longs spyod phun sum tshogs/ /sngar med pa ni rab tu 'phel/ /'dod pa rnams ni brtan pa dang / /gzugs sgra ro dang dri dang ni/ /reg bya rnams ni yid du 'ong / /don du gnyer ba thams cad la/ /
273a3 bsam pa thams cad myur du 'grub/ /de la rgyal po chom rkun dang / /mi mdza' ba yis mi 'phrogs dang / /mi 'am yang na chu dang ni/ /de rnams kyis ni 'tshe mi 'gyur/ /'di 'dra ba yi longs spyod ldan/ /gang zhig ster dang za ba la/ /med ces pa ni 'byung mi 'gyur/ /
273a4 rtag tu bde bar gnas pa dang / /ma byin len pa spangs pa yis/ /skyes pa 'am ni bud med la/ /thob par 'gyur te phan yon no/ /lha rnams dang ni mi rnams su'o/ /de lus zhig cing shi nas bde 'gro mtho ris dang lha'i 'jig rten du nye bar skye'o/ /'dod pa rnams la log par
273a5 g.yem pas ni 'tsho ba'i 'jig rten 'dir 'dod par byed pa ni/ de'i lus zhig nas shi ba'i pha rol du ngu 'bod chen por skye zhing ltung bar 'gyur ro/ /de nas phyi ru chu bo rab med kyi ngogs gnyis su/ shal ma li'i nags dpag tshad brgyad cu gyen du mnyam zhing mtho ba/ tsher ma sor
273a6 bcu drug pa yal ga rnams thur la 'phyang ba/ lus po rgyang grags bcu gnyis dang ldan zhing lus la me gyen du 'bar ba/ dpag tshad drug cur gyen du 'gro zhing de la rtag tu sna tshogs pa'i mtshon gyis phan tshun du gsod cing / de ni shal ma li'i shing gi nags la shon no/ /
273a7 lo stong phrag mang por shing gi tsher ma la 'dzeg go/ /gzhan yang dmyal ba'i srung ma rnams kyis mtshon blangs nas brgyab pas ngu zhing mgo thur la bstan nas lhung ngo / /lhung ba'i dus su lcags bsregs kyi sa gzhir gsal shing btsugs pa rnams la lhung ngo / /de rnams bshang
iiif viewer powered by OpenSeadragon
Texts on this page
D37 - bslab pa lnga'i phan yon gyi mdo