rKTs

e-texts navigator

Volume

Page

272a₁ dag par sreg pa dang mtshon sna tshogs pa bzung nas dum bur gcod cing lus la bug pa 'bugs par byed do/ /rnam pa lnga yis bcing ngo zhes pas las byed cing byed la/ dmyal ba'i sems can de yang dang yang du shi nas yang dang yang du 'tsho bas na yang sos su skye'o/ /
272a₂ de rnams de la yang sos kyi sdug bsngal drag po rtsub pa tsha ba 'joms shing 'joms la gang zhig la thams cad lci zhing srog bcad pa'i rnam par smin pa de'o/ /de mir skyes kyang tshe thung bar 'gyur ro/ /dbang po yongs su ma tshang bar 'gyur ro/ /gzugs ngan pa dang / shes rab
272a₃ 'chal pa dang / rtag tu skrag pa dang / rtag tu khro ba dang / nad dang bcas pa dang / mya ngan dang bcas pa dang / dga' ba dang 'bral ba dang / thams cad dang 'bral ba dang / rtag tu yun ring du 'bral bar 'gyur ro/ /de'i phyir bcom ldan 'das kyis bka' stsal pa/
272a₄ skye ba lnga brgyar dang / /nya sbrul 'ug pa dang / /ma he khyi dang wa rnams ni/ /srog bcad pa yi nyes pa'o/ /'di ni srog bcad pa'i rnam par smin pa'o/ /srog gcod pa ni spangs pa yis/ /skyes pa'am ni bud med lus/ /thob par 'gyur te phan
272a₅ yon ni/ /yon tan nyi shu mi dman par/ /yan lag nying lag phun sum tshogs/ /lus ni shed dang ldan pa dang / /rigs bzang por ni myur du skye/ /yan lag gtsang zhing 'jam pa dang / /tshe ring ba dang bde ba dang / /dpa' zhing stobs dang ldan pa dang / /tshig
272a₆ ni mchog tu bzang ba dang / /lha dang bcas pa dga' ba dang / /'jig rten pa yis ngan mi byed/ /'phags pas tshig ngan mi brjod dang / /byad stems ngan pas mi 'chi zhing / /mtha' yas pa yi 'khor dang ldan/ /kha dog gzugs dang yang dag ldan/ /nad dang mya ngan
272a₇ nyung ba dang / /khyim gyi gnas ni mi spong dang / /gzhan gyis mi dgar mi 'gyur ro/ /srog gcod pa ni spangs pa yis/ /skyes pa'am ni bud med kyis/ /phan yon 'di ni myong bar 'gyur/ /lha rnams dang ni mi rnams su'o/ /de lus zhig cing shi nas bde 'gro

_{iiif viewer powered by OpenSeadragon}

271b - 272b

Texts on this page