rKTs

e-texts navigator

Volume

Page

185b₁ yin no/ /de ltar nyon mongs pa'i nad kyis gzir ba'i skyes bu la nyon mongs pa zhi bar byed pa'i mchog tu mkhas pa yod par gyur na/ slob dpon tshol bar mi byed na de ni skyes bu'i skyon yin te nyon mongs pa 'joms par byed pa'i slob dpon gyi skyon ni ma yin no/ /de'i phyir gsungs
185b₂ pa/ ji ltar mi gtsang gos pa'i mi/ /gang ba'i mtsho ni mthong bzhin du/ /mtsho der 'jug par mi byed na/ /de ni mtsho yi skyon min no/ /de ltar nyon mongs dri 'khrud pa/ /bdud rtsi'i mtsho ni yod pa yi/ /mtsho de la ni mi 'jug na/ /bdud rtsi mtsho yi skyon min no/ /ji ltar chom
185b₃ rkun gyis bskor ba/ /'gro ba'i lam ni yod pa la/ /skyes bu 'bros par mi byed na/ /de ni lam gyi skyon ma yin/ /ji ltar nyon mongs kyis bskor na/ /zhi ba'i lam ni yod pa la/ /de yi lam du mi 'jug na/ /zhi ba'i lam gyi skyon ma yin/ /ji ltar nad kyis gzir ba'i mi/ /gso dpyad
185b₄ byed pa yod gyur pa/ /nad ni zhi bar mi byed na/ /de ni sman pa'i skyon ma yin/ /de ltar nyon mongs pa yi nad/ /gzir cing sdug bsngal gyur pa'i tshe/ /slob dpon tshol bar mi byed na/ /slob dpon gyi ni skyon ma yin/ /gzhan yang bsams pa/ ji ltar rgyan gyis brgyan pa'i skyes bu'i
185b₅ mgrin pa la mi gtsang ba bcings na de dor nas bde bar 'gro ba bzhin du/ de ltar bdag kyang mi gtsang ba'i lus spangs te ltos pa med par mya ngan las 'das pa'i grong khyer du 'jug par rigs so/ /gzhan yang ji ltar skyes pa dang bud med kyis bshang ba'i gnas su bshang ba dor bar
185b₆ byas nas snod du blugs te khur nas 'gro bar byed pa ma yin gyi/ ltos pa med par skyug bro bas dor nas 'gro'o/ /de ltar bdag kyang mi gtsang ba'i lus la sogs pa la ltos pa med par dor nas 'chi ba med pa'i mya ngan las 'das pa'i grong khyer du 'jug par rigs so/ /gzhan yang
185b₇ ji ltar gru mkhan rnams ni gru rdol ba rnams la ltos pa med par dor nas 'gro ba de bzhin du bdag kyang sgo dgu'i rma 'di rnams kyi nang nas 'bab pa'i lus 'di dor nas ltos pa med par mya ngan las 'das pa'i grong khyer du 'jug par rigs so/ /gzhan yang ji ltar skyes bu sna tshogs pa'i rin

_{iiif viewer powered by OpenSeadragon}

185a - 186a

Texts on this page