| e-texts navigator |
| བོད་ཡིག |
184b1 bza' dang btung ba'i sgra dang ni/ /sangs rgyas rgyud du tshigs su bcad pa 'di gsungs nas/ grong khyer yan lag nying lag ldan/ /'dod pa thams cad nye rab gnas/ /rin chen bdun po yang dag ldan/ /skye bo sna tshogs yang dag gang / /lha yi grong khyer phun tshogs bzhin/ /
184b2 bsod nams can ni gnas pa'o/ /'jig med ldan pa'i grong khyer du/ /bram ze blo zhes bya bas/ /longs spyod bya ba du ma bsags/ /nor dang 'bru ni mang po yi/ /nang gi gsang sngags 'dzin pa dang / /rig byed gsum gyi pha rol son/ /mtshan nyid i thi ha sa dang / /dam
184b3 pa'i chos kyi pha rol son/ /de nas de nyid nyi ma gcig la mkhas pa blo gros bzang po de khang bzang mchog gi steng du gcig pur skyil mo krung bcas nas dben par bzhugs te bsams pa/ mkhas pa skye ba gzhan du ma'i mngal bzung na sdug bsngal lo/ /de bzhin du skye ba'i gnas su
184b4 lus 'jig go/ /bdag skye ba'i chos can dang rga ba'i chos can dang na ba'i chos can dang 'chi ba'i chos can no/ /de lta bur gyur pas bdag ni skye ba med pa dang / rgas pa med pa dang na ba med pa dang sdug bsngal med pa'i bde ba dang bsil ba dang bdud rtsi lta bu'i mya ngan las 'das pa
184b5 chen po tshol bar rigs so/ /nges par srid pa las grol ba'i mya ngan las 'das par 'gro ba'i lam gcig po yin pa lta bu'o/ /de'i phyir gsungs pa/ dben par gcig pur gnas nas ni/ /de tshe bdag gis 'di ltar bsams/ /srid par skye ba sdug bsngal zhing / /lus
184b6 ni yongs su zhig pa na/ /skye ba'i chos dang rgas pa'i chos/ /na ba'i chos dang de tshe bdag /skye ba med dang 'chi med bde/ /mya ngan 'das pa yongs su btsal/ /gang tshe dri ngan lus 'di ni/ /sna tshogs mi gtsang gis gang zhing / /don med ltos pa med pa yi/ /dor nas 'gro
184b7 bar bya ba yin/ /de yi lam ni yod dam snyam/ /'bad pa med par lam mi thob/ /de yi lam ni btsal bar bya/ /srid pa rnams las grol 'gyur snyam/ /de nas lhag par yang bsams pa/ ji ltar 'jig rten pas sdug bsngal gyi mi 'thun pa'i phyogs su gyur pa'i bde ba zhes
iiif viewer powered by OpenSeadragon
Texts on this page
D32 - skyes pa rabs kyi gleng gzhi