rKTs

e-texts navigator

Volume

Page

183a₁ pa'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang / rgyu ba'i gnas su bzhugs nas bla na med pa'i chos kyi 'khor lo ma bskor ba bskor to/ /de nas skad cig dang yud tsam de la tshangs pa'i
183a₂ 'jig rten gyi bar du sgras khyab par gyur to/ /'dir yang 'jig rten gyi khams stong phrag bcu yang dag par g.yos so/ /yang dag par rab tu g.yos so/ /yang dag par rab tu ldeg go/ /bag yod par gyur/ ya mtshan du gyur/ snang bar gyur/ 'jig rten rnams su de ltar gyur to/ /'jig rten
183a₃ rnams su de ltar gyur te/ tshangs pas chos bstan pa thos nas/ lha rnams rang rang gi gnas su song ngo / /de nas yang bcom ldan 'das kyis ched du brjod pa ched du brjod de/ kun shes pa'i phyir kauN+Di n+ya'o/ /kun shes pa rnams kyis kauN+Di n+ya'o/ /de'i phyir 'di ni tshe dang ldan pa kauN+Di n+ya'o ste/ kun
183a₄ shes kauN+Di n+ya zhes bya ba'i ming thob bo/ /chos kyi 'khor lo bskor ba'i mdo rdzogs // //sangs rgyas kyi bstan pa la mi phyed pa'i dad pa dang ldan zhing / gtsug lag gnyis la thugs legs par byang ba dpal 'byor dbang phyug dam pa dkar phyogs kyi zla ba ltar 'phel ba'i zha lu ba
183a₅ sku zhang grags pa rgyal mtshan du dben sha'i bka' lung gis byang chub kyi snying po rdo rje'i gdan las/ lho phyogs su dpag tshad drug brgya tsam bgrod pa'i gnas/ sing g+ha gling pa bram ze'i rigs las legs par rab tu byung zhing / bsnyen par rdzogs pa sde snod gsum la thugs
183a₆ legs par byang ba'i paN+Di ta chen po A nan+da shrI'i zhal snga nas/ mang du thos pa'i lo ts+tsha ba shAkya'i dge slong nyi ma rgyal mtshan dpal bzang pos/ skad gnyis smra ba rnams kyi gdan sa/ gtsug lag khang chen po dpal thar pa gling du bsgyur cing zhus te gtan la
183a₇ phab pa/ /sa'i steng du nyi ma dang zla ba ltar gyur cig/ @##/ /rgya gar skad du/ dzA ta ka ni dA naM/ bod skad du/ skyes pa rabs kyi gleng gzhi/ 'phags pa dkon mchog gsum la gus pas phyag 'tshal lo/ /

_{iiif viewer powered by OpenSeadragon}

182b - 183b

Texts on this page