| e-texts navigator |
| བོད་ཡིག |
148a1 @##/ /rgya gar skad du/ Ar+ya sap+ta sha ti kA nA ma pradz+nyA pA ra mi tA ma hA yA na sU tra/ bod skad du/ 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di
148a2 skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong stong tham pa'i dge slong gi dge 'dun chen po dang thabs cig tu bzhugs so/ /byang chub sems dpa' sems dpa' chen po go cha chen
148a3 po bgos pa sa ya thams cad kyang bla na med pa yang dag par rdzogs pa'i byang chub las phyir mi ldog pa sha stag la 'di lta ste/ 'jam dpal gzhon nur gyur pa dang / byams pa dang / spobs pa thogs med dang / brtson pa mi 'dor dang / de dag la sogs pa byang chub sems
148a4 dpa' sa ya dang yang thabs cig go/ /de nas 'jam dpal gzhon nur gyur pa de bzhin gshegs pa la blta ba dang / phyag bya ba dang / bsnyen bkur bya ba'i phyir skya rengs shar ba'i dus kyi tshe rang gi gnas nas byung ste/ de bzhin gshegs pa'i pho brang gi sgo ga la ba der song nas phyin
148a5 pa dang pho brang gi sgo'i phyi rol na 'dug go/ /de nas tshe dang ldan pa sha ra dwa ti'i bu yang bcom ldan 'das la blta ba dang phyag bya ba dang / bsnyen bkur bya ba'i phyir rang gi gnas nas byung ste/ de bzhin gshegs pa'i pho brang ga la ba der song ngo / /de nas tshe dang ldan pa byams ma'i bu gang po dang /
148a6 tshe dang ldan pa maud gal gyi bu chen po dang / tshe dang ldan pa 'od srung chen po dang / tshe dang ldan pa kA t+yA'i bu chen po dang / tshe dang ldan pa gsus po che dang / de dag thams cad dang gzhan yang nyan thos chen po rnams rang rang gi gnas nas byung ste/ bcom ldan 'das kyi pho brang ga la ba der
148a7 dong nas phyin pa dang phyogs gcig tu 'khod do/ /de nas bcom ldan 'das kyis nyan thos chen po rnams 'ongs shing lhags te 'dus par mkhyen nas bdag gi pho brang nas byung ste pho brang gi phyi rol phyogs gcig tu gdan bting ba la bzhugs so/ /bzhugs nas kyang bcom ldan 'das
iiif viewer powered by OpenSeadragon
Texts on this page
D24 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo