| e-texts navigator |
| བོད་ཡིག |
147b1 kyis ji tsam du sems can thams cad la sman pa dang / sems can bsod nams chung ngu rnams kyi don dang / sman pa dang / bde ba'i slad du chos kyi rnam grangs 'di bka' stsal pa/ bcom ldan 'das ngo mtshar to/ /bde bar gshegs pa ngo mtshar to/ /bcom ldan 'das kyis de skad ces
147b2 bka' stsal nas/ byang chub sems dpa' sems dpa' chen po 'phags pa spyan ras gzigs dbang phyug dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs
147b3 pa la mngon par bstod do/ /'phags pa shes rab kyi pha rol tu phyin pa yi ge nyung ngu zhes bya ba theg pa chen po'i mdo rdzogs so// @##/ /rgya gar skad du/ e ka ak+Sha rI mA tA nA ma sarba ta thA ga ta pradz+nyA pA ra mi tA/ bod skad du/ de bzhin
147b4 gshegs pa thams cad kyi yum shes rab kyi pha rol tu phyin ma yi ge gcig ma zhes bya ba/ yum chen mo shes rab kyi pha rol tu phyin ma la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la/ dge slong gi dge 'dun
147b5 chen po brgya phrag phyed dang bcu gsum dang / byang chub sems dpa' bye ba khrag khrig mang po dang thabs cig tu bzhugs so/ /de'i tshe bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo shes rab kyi pha rol tu phyin ma yi ge gcig ma zhes bya ba
147b6 'di sems can rnams la phan pa dang bde ba'i phyir zung shig / 'di lta ste/ a/ bcom ldan 'das kyis de skad ces bka' stsal pa dang / tshe dang ldan pa kun dga' bo dang / dge slong de dag dang / byang chub sems dpa' sems dpa' chen po de dag thams cad kyis pha rol tu phyin pa rjes
147b7 su rtogs shing yi rangs nas/ bcom ldan 'das kyis gsungs pa la mngon par bstod do/ /de bzhin gshegs pa thams cad kyi yum shes rab kyi pha rol tu phyin ma yi ge gcig ma zhes bya ba rdzogs so// //
iiif viewer powered by OpenSeadragon
Texts on this page
D22 - 'phags pa shes rab kyi pha rol tu phyin pa yi ge nyung ngu zhes bya ba theg pa chen po'i mdo
D23 - de bzhin gshegs pa thams cad kyi yum shes rab kyi pha rol tu phyin ma yi ge gcig ma zhes bya ba