| e-texts navigator |
| བོད་ཡིག |
141b1 gsol pa/ bcom ldan 'das kye ma a la la shes rab kyi pha rol tu phyin pa 'di ni gting dpag dka' ba lags so/ /bcom ldan 'das kyis bka' stsal pa/ rab 'byor shes rab kyi pha rol tu phyin pa shin tu rnam par dag pa'i phyir ro/ /rab 'byor gyis gsol pa/ bcom
141b2 ldan 'das kye ma a la la/ a la la/ shes rab kyi pha rol tu phyin pa 'di nam mkha' dang mtshungs pa lags so/ /bcom ldan 'das kyis bka' stsal pa/ rab 'byor shes rab kyi pha rol tu phyin pa shin tu rnam par dag pa'i phyir te/ rab 'byor de bas na shes rab kyi pha
141b3 rol tu phyin pa ni nam mkha' lta bu yin no/ /rab 'byor gyis gsol pa/ bcom ldan 'das kye ma a la la/ a la la/ shes rab kyi pha rol tu phyin pa 'di ni mi brtson pas rtogs par dka' ba lags so/ /bcom ldan 'das kyis bka' stsal pa/ rab 'byor de de bzhin te/
141b4 de de bzhin no/ /ji skad smras pa bzhin te/ shes rab kyi pha rol tu phyin pa ni mngon par mi brtson pa dang / dge ba'i rtsa ba chung ba dang / yid mi gzhungs pa dang / don du mi gnyer ba dang / thos pa dang mi ldan pa dang / shes rab chung ba dang / sdig pa'i grogs pos zin
141b5 pa dang / sdig pa'i grogs po dang 'dre ba mang ba dang / sdig pa'i grogs pos 'dzin du bcug pa dang / dad pa tsam dang ldan pa dang / las dang po pa dang skal ba med pa'i tshul can dang / yongs su mi 'dri ba'i rang bzhin can dang / shes rab 'chal par 'gyur bar byas pa
141b6 dang / le lo can dang / brtson 'grus chung ba dang / snying stobs chung ba dang / mos pa chung ba dang / dge ba'i chos de dag la mngon par mi brtson pas mos par dka' ba ste/ rab 'byor de lta bas na shes rab kyi pha rol tu phyin pa ni mos par dka' ba zhes bya'o/ /rab 'byor
141b7 gzhan yang rigs kyi bu'am/ rigs kyi bu mo gang la la zhig shes rab kyi pha rol tu phyin pa zab mo 'di nyan tam/ 'dzin tam/ 'chang ngam/ klog gam/ kun chub par byed dam/ gzhan dag la yang rgya cher yang dag par ston na des 'das pa dang / ma byon pa dang /
iiif viewer powered by OpenSeadragon
Texts on this page
D18 - 'phags pa bcom ldan 'das ma shes rab kyi pha rol tu phyin pa lnga bcu pa