rKTs

e-texts navigator

Volume

Page

140a₁ bzhugs te/ brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / dge slong dang / dge slong ma dang / dge
140a₂ bsnyen dang / dge bsnyen ma du ma dag dang yang thabs cig go/ /de nas bcom ldan 'das kyis tshe dang ldan pa rab 'byor la bka' stsal pa/ rab 'byor gang la la zhig nyan thos kyis la slob par 'dod pa dang / rang sangs rgyas kyis la slob par 'dod pas shes rab kyi pha rol tu
140a₃ phyin pa 'di nyid mnyan par bya/ gzung bar bya/ bcang bar bya/ bklag par bya/ kun chub par bya'o/ /byang chub sems dpa' thabs la mkhas pa dang ldan pas sangs rgyas dang / byang chub sems dpa'i chos thams cad yang dag par bsgrub pa'i phyir shes rab kyi pha
140a₄ rol tu phyin pa 'di nyid la mngon par brtson par bya'o/ /de ci'i phyir zhe na/ rab 'byor 'di ltar byang chub sems dpa' sems dpa' chen pos gang la bslab par bya ba dang / rnal 'byor du bya ba sangs rgyas dang / byang chub sems dpa'i chos thams cad shes rab kyi pha rol
140a₅ tu phyin pa 'di nyid du rgya cher bstan pa'i phyir ro/ /bla na med pa yang dag par rdzogs pa'i byang chub la slob par 'dod pas kyang shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ bklag par bya/ kun chub par bya'o/ /byang chub sems
140a₆ dpa' thabs la mkhas pa dang ldan pas sangs rgyas dang / byang chub sems dpa'i chos thams cad yang dag par bsgrub pa'i phyir shes rab kyi pha rol tu phyin pa 'di nyid la mngon par brtson par bya'o/ /de ci'i phyir zhe na/ rab 'byor 'di ltar byang chub sems dpa' sems dpa'
140a₇ chen pos gang la bslab par bya ba dang / rnal 'byor du bya ba sangs rgyas dang / byang chub sems dpa'i chos thams cad shes rab kyi pha rol tu phyin pa 'di nyid du rgya cher bstan pa'i phyir ro/ /rab 'byor dge ba'i chos byang chub kyi phyogs rnams dang / nyan thos kyi chos rnams

_{iiif viewer powered by OpenSeadragon}

139b - 140b

Texts on this page