rKTs

e-texts navigator

Volume

Page

130b₁ 'byor su zhig 'di skad du de bzhin gshegs pas chos bstan to zhes zer na/ rab 'byor de ni med pa dang log par zin pas nga la skur bar 'gyur ro/ /de ci'i phyir zhe na/ rab 'byor chos bstan pa zhes bya ba dmigs par 'gyur ba'i chos bstan pa chos bstan pa zhes bya ba de gang yang med pa'i phyir
130b₂ ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ma 'ongs pa'i dus na sems can gang dag 'di lta bu'i chos bshad pa thos nas mngon par yid ches par 'gyur ba mchis sam/ bcom ldan 'das kyis bka' stsal pa/ rab 'byor de dag ni
130b₃ sems can yang ma yin sems can med pa yang ma yin no/ /de ci'i phyir zhe na/ rab 'byor sems can rnams zhes bya ba ni de bzhin gshegs pas de dag sems can med par gsungs pa'i phyir te/ des na sems can rnams zhes bya'o/ /rab 'byor 'di ji snyam du sems/ de bzhin gshegs
130b₄ pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ tshe dang ldan pa rab 'byor gyis gsol pa/ bcom ldan 'das de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs
130b₅ rgyas pa'i chos de gang yang ma mchis so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ de chos cung zad kyang med cing mi dmigs te des na bla na med pa yang dag par rdzogs pa'i byang chub ces bya'o/ /yang rab 'byor chos de ni mnyam pa ste/ de la mi mnyam pa gang
130b₆ yang med pas des na bla na med pa yang dag par rdzogs pa'i byang chub ces bya'o/ /bla na med pa yang dag par rdzogs pa'i byang chub ni bdag med pa dang / sems can med pa dang / srog med pa dang / gang zag med par mnyam ste/ dge ba'i chos thams cad kyis mngon par rdzogs par 'tshang rgya'o/ /rab 'byor
130b₇ dge ba'i chos rnams dge ba'i chos rnams zhes bya ba ni de dag de bzhin gshegs pas chos med pa nyid du gsungs te/ des na dge ba'i chos rnams zhes bya'o/ /yang rab 'byor rigs kyi bu'am/ rigs kyi bu mo gang la la zhig gis stong gsum gyi stong chen po'i 'jig rten gyi khams na ri'i rgyal po ri rab dag ji snyed

_{iiif viewer powered by OpenSeadragon}

130a - 131a

Texts on this page