rKTs

e-texts navigator

Volume

Page

127b₁ gshegs pas mkhyen te/ de dag de bzhin gshegs pas gzigs te/ sems can de dag thams cad ni bsod nams kyi phung po dpag tu med pa dang ldan par 'gyur ro/ /bsod nams kyi phung po bsam gyis mi khyab pa dang / mtshungs pa med pa dang / gzhal du med pa dang / tshad med pa dang ldan par 'gyur
127b₂ te/ sems can de dag thams cad nga'i byang chub phrag pa la thogs par 'gyur ro/ /de ci'i phyir zhe na/ rab 'byor dman pa la mos pa rnams kyis chos kyi rnam grangs 'di mnyan par ma nus te/ bdag tu lta ba rnams kyis ma yin/ sems can du lta ba rnams kyis ma yin/ srog tu lta ba rnams kyis ma yin/
127b₃ gang zag tu lta ba rnams kyis mnyan pa dang / blang ba dang / gzung ba dang / bklag pa dang / kun chub par byed mi nus te/ de ni gnas med pa'i phyir ro/ /yang rab 'byor sa phyogs gang na mdo sde 'di ston pa'i sa phyogs de lha dang / mi dang / lha ma yin du bcas pa'i 'jig rten gyis mchod par
127b₄ 'os par 'gyur ro/ /sa phyogs de phyag bya bar 'os pa dang / bskor ba bya bar 'os par 'gyur te/ sa phyogs de mchod rten lta bur 'gyur ro/ /rab 'byor rigs kyi bu'am/ rigs kyi bu mo gang dag 'di lta bu'i mdo sde'i tshig 'di dag len pa dang / 'dzin pa dang / klog pa dang / kun chub
127b₅ par byed pa de dag ni mnar bar 'gyur/ shin du mnar bar 'gyur ro/ /de ci'i phyir zhe na/ rab 'byor sems can de dag gi tshe rabs snga ma'i mi dge ba'i las ngan song du skye bar 'gyur ba gang dag byas pa dag tshe 'di nyid la mnar bas tshe rabs snga ma'i mi dge ba'i las de dag byang bar 'gyur te
127b₆ sangs rgyas kyi byang chub kyang thob par 'gyur ba'i phyir ro/ /rab 'byor ngas mngon par shes te/ 'das pa'i dus bskal pa grangs med pa'i yang ches grangs med pa na/ de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi pha rol gyi yang ches pha rol na sangs
127b₇ rgyas bye ba khrag khrig stong phrag brgyad cu rtsa bzhi dag byung ba ngas mnyes par byas te/ mnyes par byas nas thugs ma byung bar byas te/ rab 'byor sangs rgyas bcom ldan 'das de dag ngas mnyes par byas nas thugs byung bar ma byas pa gang yin pa dang / phyi ma'i dus lnga brgya tha mar gyur pa na mdo sde 'di

_{iiif viewer powered by OpenSeadragon}

127a - 128a

Texts on this page