rKTs

e-texts navigator

Volume

Page

127a₁ pa gsung ba/ de bzhin nyid gsung ba ste/ de bzhin gshegs pa ni ma nor ba de bzhin nyid gsung ba'i phyir ro/ /yang rab 'byor de bzhin gshegs pas chos gang mngon par rdzogs par sangs rgyas pa'am bsten pa de la ni bden pa yang med pa yang med do/ /rab 'byor 'di lta ste dper na
127a₂ mig dang ldan pa'i mi zhig mun par zhugs nas ci yang mi mthong ba de bzhin du gang dngos por lhung bas sbyin pa yongs su gtong ba'i byang chub sems dpar blta'o/ /rab 'byor 'di lta ste dper na nam langs te nyi ma shar na mig dang ldan pa'i mis gzugs rnam pa sna tshogs dag mthong ba de bzhin du/ gang dngos por ma lhung
127a₃ bas sbyin pa yongs su gtong ba'i byang chub sems dpar blta'o/ /yang rab 'byor rigs kyi bu'am/ rigs kyi bu mo gang dag chos kyi rnam grangs 'di len pa dang / 'dzin pa dang / klog pa dang / kun chub par byed pa dang / gzhan dag la yang rgya cher yang dag par rab tu ston pa de dag ni de bzhin gshegs
127a₄ pas mkhyen/ de dag ni de bzhin gshegs pas gzigs te/ sems can de dag thams cad ni bsod nams kyi phung po dpag tu med pa bskyed par 'gyur ro/ /yang rab 'byor skyes pa'am bud med gang zhig snga dro'i dus kyi tshe lus gang gA'i klung gi bye ma snyed yongs su gtong la/ phyed kyi dus dang / phyi dro'i dus kyi
127a₅ tshe yang lus gang gA'i klung gi bye ma snyed yongs su gtong ste/ rnam grangs 'di lta bur bskal pa khrag khrig brgya stong du lus yongs su gtong ba bas/ gang gis chos kyi rnam grangs 'di thos nas mi spong na de nyid gzhi de las bsod nams ches mang du grangs med dpag tu med pa bskyed na/ gang gis yi ger bris nas
127a₆ len pa dang / 'dzin pa dang / klog pa dang / kun chub par byed pa dang / gzhan dag la yang rgya cher yang dag par rab tu ston pa lta ci smos/ yang rab 'byor chos kyi rnam grangs 'di ni bsam gyis mi khyab cing mtshungs pa med de/ chos kyi rnam grangs 'di ni theg pa mchog la yang dag par zhugs pa'i sems can
127a₇ rnams kyi don dang / theg pa phul du phyin pa la yang dag par zhugs pa'i sems can rnams kyi don gyi phyir/ de bzhin gshegs pas gsungs so/ /gang dag chos kyi rnam grangs 'di len pa dang / klog pa dang / kun chub par byed pa dang / gzhan dag la yang rgya cher yang dag par rab tu ston pa de dag ni de bzhin

_{iiif viewer powered by OpenSeadragon}

126b - 127b

Texts on this page