| e-texts navigator |
| བོད་ཡིག |
126b1 gsungs pa de sangs rgyas bcom ldan 'das dpag tu med pa rnams kyis gsungs pa'i phyir te/ des na pha rol tu phyin pa dam pa zhes bya'o/ /yang rab 'byor de bzhin gshegs pa'i bzod pa'i pha rol tu phyin pa gang yin pa de nyid pha rol tu phyin pa med do/ /de ci'i phyir zhe na/ rab 'byor gang gi tshe ka ling kA'i rgyal
126b2 pos nga'i yan lag dang nying lag rnams bcad par gyur pa de'i tshe nga la bdag tu 'du shes sam/ sems can du 'du shes sam/ srog tu 'du shes sam/ gang zag tu 'du shes kyang ma byung la/ nga la 'du shes ci'ang med la 'du shes med par gyur pa yang ma yin pa'i phyir ro/ /de ci'i phyir zhe na/ rab 'byor gal te
126b3 de'i tshe nga la bdag tu 'du shes byung na de'i tshe gnod sems kyi 'du shes kyang byung la/ sems can du 'du shes pa dang / srog tu 'du shes pa dang / gang zag tu 'du shes byung na de'i tshe gnod sems kyi 'du shes kyang 'byung ba'i phyir ro/ /rab 'byor ngas mngon par shes te/ 'das pa'i dus na nga tshe rabs lnga
126b4 brgyar bzod par smra ba zhes bya ba'i drang srong du gyur pa de na yang nga la bdag tu 'du shes ma byung / sems can du 'du shes pa dang / srog tu 'du shes pa dang / gang zag tu 'du shes ma byung ngo / /rab 'byor de lta bas na byang chub sems dpa' sems dpa' chen pos 'du shes thams cad rnam par spangs te bla na
126b5 med pa yang dag par rdzogs pa'i byang chub tu sems bskyed par bya'o/ /gzugs la mi gnas par sems bskyed par bya'o/ /sgra dang / dri dang / ro dang / reg bya dang / chos la'ang mi gnas par sems bskyed par bya'o/ /chos med pa la'ang mi gnas par sems bskyed par bya'o/ /ci la'ang mi gnas
126b6 par sems bskyed par bya'o/ /de ci'i phyir zhe na/ gnas pa gang yin pa de nyid mi gnas pa'i phyir te/ de bas na de bzhin gshegs pas 'di skad du/ byang chub sems dpas mi gnas par sbyin pa sbyin par bya'o zhes gsungs so/ /yang rab 'byor byang chub sems dpas 'di ltar sems can thams cad
126b7 kyi don gyi phyir sbyin pa yongs su gtang bar bya'o/ /sems can du 'du shes pa gang yin pa de nyid kyang 'du shes med pa ste/ de bzhin gshegs pas sems can thams cad ces gang gsungs pa de nyid kyang med pa'o/ /de ci'i phyir zhe na/ rab 'byor de bzhin gshegs pa ni yang dag par gsung ba/ bden
iiif viewer powered by OpenSeadragon
Texts on this page
D16 - 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo