rKTs

e-texts navigator

Volume

Page

126a₁ la yang bstan na de gzhi de las bsod nams ches mang du grangs med dpag tu med pa bskyed do/ /de nas tshe dang ldan pa rab 'byor chos kyi shugs kyis mchi ma phyung ste/ des mchi ma phyis nas bcom ldan 'das la 'di skad ces gsol to/ /'di ltar chos kyi rnam grangs 'di de bzhin gshegs
126a₂ pas gsungs pa ni bcom ldan 'das ngo mtshar to/ /bde bar gshegs pa ngo mtshar to/ /bcom ldan 'das bdag gi ye shes skyes tshun chad bdag gis chos kyi rnam grangs 'di sngon nam yang ma thos so/ /bcom ldan 'das mdo bshad pa 'di la gang dag yang dag par 'du shes bskyed par gyur pa'i sems can de dag
126a₃ ni ngo mtshar rab dang ldan par 'gyur ro/ /de ci'i slad du zhe na/ bcom ldan 'das yang dag par 'du shes pa gang lags pa de nyid 'du shes ma mchis pa'i slad du ste/ de bas na yang dag par 'du shes yang dag par 'du shes zhes de bzhin gshegs pas gsungs so/ /bcom ldan 'das bdag chos kyi rnam grangs
126a₄ 'di bshad pa la rtog cing mos pa ni bdag la mos pa ma lags kyi/ bcom ldan 'das slad ma'i tshe slad ma'i dus lnga brgya pa tha ma la sems can gang dag chos kyi rnam grangs 'di len pa dang / 'dzin pa dang / klog pa dang / kun chub par bgyid pa de dag ni ngo mtshar rab dang ldan par 'gyur ro/ /yang bcom ldan 'das
126a₅ de dag ni bdag tu 'du shes 'jug par mi 'gyur/ sems can du 'du shes pa dang / srog tu 'du shes pa dang / gang zag tu 'du shes 'jug par mi 'gyur lags so/ /de ci'i slad du zhe na/ bcom ldan 'das bdag tu 'du shes pa dang / sems can du 'du shes pa dang / srog tu 'du shes pa dang / gang zag tu 'du
126a₆ shes pa gang lags pa de dag nyid 'du shes ma mchis pa'i slad du'o/ /de ci'i slad du zhe na/ sangs rgyas bcom ldan 'das rnams ni 'du shes thams cad dang bral ba'i slad du'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor
126a₇ de de bzhin no/ /de de bzhin te/ mdo bshad pa 'di la gang dag mi skrag mi dngang zhing dngang bar mi 'gyur ba'i sems can de dag ni ngo mtshar rab dang ldan par 'gyur ro/ /de ci'i phyir zhe na/ rab 'byor pha rol tu phyin pa dam pa 'di ni de bzhin gshegs pas gsungs te/ pha rol tu phyin pa dam pa gang dag de bzhin gshegs pas

_{iiif viewer powered by OpenSeadragon}

125b - 126b

Texts on this page