rKTs

e-texts navigator

Volume

Page

123a₁ de ci'i phyir zhe na/ rab 'byor gal te byang chub sems dpa' sems dpa' chen po de dag chos su 'du shes 'jug na de nyid de dag gi bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur ba'i phyir ro/ /
123a₂ gal te chos med par 'du shes 'jug na yang de nyid de dag gi bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur ba'i phyir ro/ /de ci'i phyir zhe na/ yang rab 'byor byang chub sems dpas chos kyang log par gzung bar mi bya ste/
123a₃ chos ma yin pa yang mi gzung ba'i phyir ro/ /de bas na de la dgongs te/ de bzhin gshegs pas chos kyi rnam grangs gzings lta bur shes pa rnams kyis chos rnams kyang spang bar bya na chos ma yin pa rnams lta ci smos zhes gsungs so/ /gzhan yang bcom ldan 'das kyis tshe dang ldan pa rab
123a₄ 'byor la 'di skad ces bka' stsal to/ /rab 'byor 'di ji snyam du sems/ de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ de bzhin gshegs pas chos gang yang bstan tam/ de skad ces
123a₅ bka' stsal nas/ bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bcom ldan 'das kyis gsungs pa'i don bdag gis 'tshal ba ltar na/ de bzhin gshegs pas gang bla na med pa yang dag par rdzogs pa'i byang chub tu mngon par
123a₆ rdzogs par sangs rgyas pa'i chos de gang yang ma mchis so/ /de bzhin gshegs pas gang bstan pa'i chos de gang yang ma mchis so/ /de ci'i slad du zhe na/ de bzhin gshegs pas chos gang yang mngon par rdzogs par sangs rgyas pa'am bstan pa de gzung du ma mchis brjod du ma
123a₇ mchis te/ de ni chos kyang ma lags/ chos ma mchis pa'ang ma lags pa'i slad du'o/ /de ci'i slad du zhe na/ 'phags pa'i gang zag rnams ni 'dus ma bgyis kyis rab tu phye ba'i slad du'o/ /bcom ldan 'das kyis bka' stsal pa/ rab 'byor 'di ji snyam du sems/ rigs kyi

_{iiif viewer powered by OpenSeadragon}

122b - 123b

Texts on this page